36億人口走向小康

　　7月9日，周一。恒生指數升285.69，收22817.43；成交一千零二十七億九百多萬元。7月期指低水，升236點，收22779點。長實 （001）升至七年內高位一百一十一元二角，因李實發增持；港交所（388）再升7.2％，收報一百三十五元九角，因瑞銀上調目標價。國壽（2628）大 漲6.3％，收報三十元五角五仙。平安保險（2318）漲3.4％，收五十七元四角，因報道指政府可能將一萬五千五百億元人民幣特別國債其中一部分賣畀內 地保險公司。中石油（857）升2％，收報十二元四角四仙；中海油（883）升1.1％，收報九元三角五仙，因油價上升。滬深三百指數今天再升 2.99％，傳政府限制國有股轉讓。

亞洲成世界經濟引擎

　　根據普華永道估計，上海同深圳A股上市今年集資將達四千億元人民幣，成為全球集資最多嘅市場。香港今年估計將集資二千億港元（二百五十六億美元），去 年本港集資四百一十億美元，超過倫敦嘅三百九十億美元及紐約嘅二百九十億美元，成為全球集資最多嘅股市。不過，本港今年將不及內地A股市場，而將全球集資 最多股市地位讓畀內地。

　　今天亞洲地區已成為世界經濟增長嘅引擎，三十六億人口由往日貧窮走向小康，其潛力不可低估。七十年代歐洲同日本加起來不外五億人口，其「富起來」嘅力 量已咁大，呢次亞洲地區人口有過之而無不及；加上至今為止通脹率未致要以高息壓抑嘅水平，無論中國、印度、東南亞國家嘅GDP都繼續維持高增長。以印度為 例，2000年只有三百萬人使用流動電話，今年5月係二億一千八百萬人，為和黃（013）帶來另一筆驚人利潤。類似嘅例子好多，例如越南亦為投資陸氏實業 （366）帶來唔少收益。油價上升亦令馬來西亞經濟欣欣向榮，加上政府今年4月起重新歡迎外資嘅政策，相信明年今日將為投資馬來西亞企業帶來唔錯回報。資 源有價，令非洲亦起動……。以三十六億人口富起來嘅影響力，即使人口只有三億嘅美國，受地產價格回落影響又點？美國經濟增長率放緩令美元漲不起來，而港元 同美元掛鈎、人民幣仍以美元為主要儲備，都成為美元弱勢下嘅受惠者。因此，今年下半年香港經濟展望仍係反覆向上嘅機會最大，只係揀股方面則愈來愈困難。

　　溫總7月7日主持召開國務院常務會議，審議並原則通過可再生能源中、長期發展規劃，加快水電、太陽能、風能、生物質發電、沼氣開發及利用。政府將鼓勵 喺唔適合種植糧食作物嘅地區，種植甘蔗、甜高粱、大薯、甘薯及油菜仔等能源作物。其中最有前途係以稭稈為主要原料生產沼氣嘅技術，並喺江西、山東、江蘇、 浙江、四川、河南、北京、河北、遼寧、黑龍江及大連等十一個省市一百多個縣進行試點示範。北方以玉米稭稈及麥稭為主要原料，南方以稻稈為主要原料生產沼 氣。用戶嘅稭稈沼氣一般只需八立方米左右沼氣池，投入五百公斤稭稈，入池前粉碎成五厘米左右，加入一公斤複合菌所堆滙二至三天，再加入十至十五公斤碳銨， 普遍八至十個月換料一次，有D更可維持十二個月。除提供燃料外，另有沼液及沼渣可作肥料，適合農村發展用。只要擴大發展，全國每年可節省二百七十八萬二千 噸標準煤、保護山林植物八十一萬二千公噸，同時可令菜多產五億七千公斤、出欄豬三百八十三萬頭、產沼氣一億二千萬立方米、優質沼肥六百一十二萬八千立方 米，為農民帶來近二十億元人民幣一年收入，不但節約能源，同時保護生態及令種養增收。

　　農作物稭稈喺中國一年最少有六億噸左右，過去一部分作飼料外，仲有一部分還田作為肥料，其餘大部分响秋收後一把火燒晒，既浪費資源又污染環境。只要好好利用，上述技術更可減少中國二氧化碳排放量20％。

　　另一研究係以稭稈發電，估計到2010年稭桿發電裝機容量將從家吓二十萬千瓦上升到五百五十萬千瓦，成為另一巨大市場。

中國因素在煤炭價顯現

　　進入7月，受夏季用煤高峰來臨推動，發熱量為六千大卡嘅大同優混港口平倉價係四百九十元人民幣一噸，較去年同期上升四十元人民幣或8.9％。煤價上漲 趨勢估計延續到9月份，並有望創出歷史新高。6月28日澳洲動力煤成六十八點七五美元一噸嘅歷史新高，較去年同期上升30.5％，較2004年7月前高價 再高出12.3％。澳洲及印尼供應減少，而國際需求上升，加上今年中國由傳統煤炭出口大國轉為煤炭淨進口國；1至5月中國出口一千九百三十萬噸，較去年同 期減少25.7％；進口二千二百九十七萬噸，較去年增長44％，即淨進口三百零七萬噸，而去年同期淨出口一千零六十八萬噸。中國因素喺煤炭價格又再顯現。

　　美國係農業大國，但農民只佔總人口2％，農業佔美國GDP 1.2％。美國農產品不但自給自足，同時可大量出口，唔少美國農民更加係係大學畢業。中國亦係農業大國，農民佔全國人口一半或以上，但仍未能自給自足；中 國農民大部分教育水平甚低，响社會上冇地位。過去二十八年改革開放政策下，國家喺工業方面有大量政策支持；至於農業，最近為加入WTO而開放中國農產品市 場，大幅降低關稅，令大量外國農產品湧入中國……。過去中國社會地位係「士、農、工、商、兵」，農民地位僅次於讀書人；今天中國農民地位一落千丈，成為最 受人欺負嘅階級，強佔農地時有所聞，為發展工業而染污大地，害到農民無田可耕嘅例子亦唔少。唔好話同美國比，甚至同南韓比亦不及，南韓政府亦有大量政策支 持農民（去年韓國農民起碼有錢搭飛機來港示威，中國農民有冇？）。

　　美國政府每年提供唔少於五十五億元貸款畀農民，並作出口信貸擔保。聯邦政府每年投入二十億美元研究及發展農業科技，全美有一百多家農業大學向農民提供 知識及教育，三千一百五十個農業實驗站由政府資助推廣農技、提升農民素質、為農民提供教育及培訓。美國農民中20％大學畢業，平均每個農場擁有五百畝農 地；20％農場更有直升機進行田間管理，拖拉機差唔多所有農民都擁有；48％農民天天上網；農民每年每畝土地只須交三十美元保險費畀政府，如當年失收，全 數金額由政府賠償。

　　中國政府喺農業方面又做咗D乜嘢？豬肉價漲立即打壓，但飼料加價政府卻不管；近年才免農業稅，卻已視為對農民「極大恩惠」。農民上大學更係難上加難， 而且讀完書後嘅農民，又有幾人回鄉耕作？根據內地嘅問卷調查，96％中學生畢業後已唔願當農民，今天村內有氣有力嘅都出城打工，留低老幼婦孺喺農村。

　　喺美國，農民大部分係中產階級。响中國農民絕大部分係貧窮階級，不但收入低、地位低，甚至外出打工亦遭層層剝削，不幸者更被人賣落磚窰做苦工；連農民後代都睇唔起農民嘅父母。

港人應協助改善內地農村

　　今天喺胡溫領導下，中國政府開始關心農民。二十八年改革開放政策下，唔少人已富起來，但中國農民仍然好苦。農民貧窮並非免農業稅就可將問題解決，必須 引入類似美國政府協助農民嘅金融政策，積極培育小額信貸組織，讓農民幫農民，而非從農民身上吸收存款到城市去借貸。今天農民好少值錢嘅抵押品，政府喺貸款 方面係咪願意提供擔保？政府係咪有決心改變中國嘅小農經濟局面，走向美國式農莊經濟，例如鋪設水泥路讓農民將產品運到城市出售？向農民提供保險對抗自然災 害？否則即使中國城市現代化，但中國農村仍然貧窮兼落後！响美國及歐洲，我地見到嘅係美麗田莊，但响中國農村，只有貧窮與骯髒，咁落去中國只係外強中乾， 最後連糧食都依賴入口，中國又能強得去邊？作為香港人，不但要關心中國，更應關心中國農民，例如向中國農民提供一份援助，協助佢地建立農莊。八十年代勇敢 嘅香港廠家，回國開廠改變咗珠三角、影響咗長三角……。今天香港人能否引入外國農業技術，加上港人資金，改變中國農村嘅貧窮面貌？咁樣才不愧為香港人！

中國小孩「名揚四海」

　　6月29日，南京藝術學院音樂廳，來自法國巴黎國立音樂學院嘅布斯教授情緒激動地宣布中斷表演。呢場世界級水平嘅鋼琴演出，每張門票二百八十元。布斯 教授已喺全世界辦咗二百幾場音樂會，卻喺南京宣布中斷，理由係中國「活潑好動」嘅孩子喺台下上滾下跳、大呼小叫；加上此起彼伏嘅手機鈴聲、夾雜大人嘅說話 聲及大笑聲，根本上無法聽到鋼琴音樂。家長們並唔制止小孩子爬櫈，將人家嘅鋼琴演奏晚會變成市集，丟盡中國人嘅架，今天中國人的確富起來，能花二百八十元 買票，但距離欣賞高雅音樂仍差很遠！如果家長唔熱愛音樂，請勿帶「小霸王」們去音樂會。如希望中國孩子能養成欣賞高雅音樂嘅文化，請勿喺表演場內喧嘩！如 果有一天外國人宣布禁止「中國孩子」進場之時，亦請勿話別人歧視華人。呢個南京音樂會已令中國小孩「揚名四海」，中國人再次成為國際笑柄。中國人已富起來 了，但幾時才學曉舉止優雅？中國嘅市井文化幾時才改變?!到底中國人明唔明白何謂「文明」？請記住，你花得起二百八十元買票，唔代表你嘅孩子可以喺表演場 內喧嘩！

　　5月份全國城市房價中，安徽蚌埠升幅10.2％，排名全國第五；廣東北海新建商品房升幅更達23.6％。呢類二三線城市房價升幅跑贏北京、上海、廣州 等一線城市，證明中國房價上升潮已蔓延至二三線城市。例如蚌埠商品房成交價達每平方米二千八百元，單位最貴甚至超過每平方米四千元，但當地市民月入不外一 千元。出現上述情況，係大城市推出唔少經濟適用房及廉租房建設，而二三線城市响呢方面相當缺乏。國家打壓內地一線城市商品房，形成資金都跑去二三線城市。 今天中國人只有炒樓、炒股文化，卻冇欣賞高雅音樂嘅修養，不禁令人諗起「醜陋的中國人」呢句說話。

　　■包浩斯國際（483）、金寶通（320）、英皇證券（717）、香港飲食管理（668）、香港通訊國際控股（248）、現代美容（919）、慕詩國 際（130）、樂聲電子（213）、德永佳集團（321）、美建集團（335）、雲南實業控股（455）7月16日；震雄集團（057）、信佳國際 （912）、永發置業（287）17日；亞倫國際（684）、匯漢控股（214）、泛海集團（129）、泛海酒店（292）、其士國際（025）、其士泛 亞（508）、英皇娛樂酒店（296）、英皇國際（163）、權智（國際）（601）18日；明興控股（402）19日；積華生物醫藥（2327）20 日；騰訊控股（700）8月15日公布業績。