1月22日，周一。恒生指數升444.50，收20772.22；成交六百零三億九千二百多萬元。期指上升436點，收20792點。中移動（941）升 4.3％，見七十三元八角五仙，該公司去年12月新增手機用戶四百八十三萬個，因公司降低話費及市場競爭趨緩，手機用戶達三億零一百二十三個。中聯通 （762）升2.6％，12月份手機用戶增加六百一十一萬個，達四億六千一百一十一個。
中國財險（2328）升9.6％，去年稅前獲利上升80％。平安保險（2318）升2.7％，東風汽車（489）升7.6％。摩根大通估計，今年中國 企業純利可上升17.8％。中國銀行（3988）未署名股東計劃出售三億零五百四十五萬股H股，每股四元，價值十四億二千萬元。
本港12月份通脹率上升2.3％（11月份升2.2％），因薪金上升令零售商及酒店加價；食品價格升2.5％，服裝及鞋類上升6.4％。去年全年CPI上升2％（2005年上升1.1％）。
港旅業增長高峰期漸過
去年來港旅客上升8.1％，至二千五百三十萬人次；消費一千一百七十三億元，上升2.27％，較旅發局估計嘅二千七百萬人次為少，主因係鄰近地區競 爭，令來港內地同胞只升8.3％，至一千三百六十萬人次，佔所有旅客人數53.8％；反之，來自歐洲、非洲及中東嘅旅客增加11％，來自東南亞旅客上升 10％，酒店入住率87％（2005年86％）；房租平均上升17％，至一千零九十一元一晚。迪士尼樂園吸引五百二十萬人次參觀，較政府估計嘅五百六十萬 人次略少。睇嚟旅遊業增長高峰期漸過。
油價第二天上升，3月期油升1.3％，見五十四點一三美元，主因係美國東北部寒冷天氣刺激油價回升。
傳央行拋售令南韓圜回落0.4％，見940兌1美元。南韓圜升5.2％，對南韓產品出口形成壓力，估計南韓政府正入市拋售以阻止韓圜上升；反之，去年日圓回落5％，見120兌1美元，日本政府入市吸納阻止日圓進一步回落【圖】。日圓已到咗不應再睇淡期。
據瑞信報道，過去六星期中國投資者動用一千五百億元人民幣購入基金、一千億元人民幣購入股票；外資亦瘋狂，今年首兩個星期吸入十三億美元內地股份。喺 上海UBS分析員Edmond Huang估計，上海綜合指數今年下跌23％嘅機會好大。滙豐銀行GarryEvans認為，近日流入A股市場嘅資金甚巨，但佢認為，上半年A股出現調整 嘅機會高達30％。上一次瘋狂以紅籌股為主，由1996年開始喺十八個月內令恒生紅籌指數上升四倍，到1997年8月27日見頂，當時O高達二百五十倍， 然後響十二個月內下跌86％。至今為止，唔少紅籌股股價仍較1997年8月低過50％，上述情況正喺國企股身上重演。依家已經進入及準備進入股市嘅內地人 很多，有D甚至抵押房產去炒股，羊群效應威力沒法擋。對中國老百姓而言，理財只能投資股票或物業；政府為防止樓市泡沫，一再打壓房地產，形成資金流向股市 （一如曾經歷1967年暴動後嘅香港人，喺七十年代將資金一窩蜂湧入股市一樣）。內地股改最根本缺陷係，股份分為流通性與非流通性，局限市場上可流通股份 嘅數量；加上A、B股互不流通，A、H股亦不能流通，造成市場上流通嘅A股極之有限。當大量資金追逐有限股份時，供求因素造成A股股價短暫狂升。例如中國 保險公司A股、銀行A股已被炒至全世界最貴，因股價由供求因素決定而非基本因素，A股已進入非理性亢奮期。去年下半年起，大量H股透過IPO回歸A股市 場，國企股大量上市及大量非流通股日後漸漸變成流通股，為未來A股大幅回落埋下計時炸彈。換言之，A股出現Boom &Bust走勢已逃不了，但幾時係Boom結束嘅日子？1973年3月恒指回落，係英資大戶飽食遠颺之後；至於內地A股市場就木宰羊。依家機構投 資者仍然唱好內地A股，代表佢地仍未完成出貨行動；內地A股市場仍處於BoomTime。反觀香港H股市場，機構投資者意見出現分歧，部分機構投資者退 出，形成H股股價遠遠落後A股。由於A股與H股互不流通，H股股價回落唔影響A股股價，結果A股繼續上升而H股下跌。喺倫敦上市嘅中國ETF及美國ADR 開始回流本港市場。以國壽（2628）為例，2003年12月發行價每股三元六角二點五仙，去年12月20日H股股價係二十三元八角五仙，三年內獲利六點 五倍。A股發行價十八元八角八仙，上市後第一天便上升超過100％，機構投資者又點會唔識笑?!內地分析員更話國壽股價短期內可見一百元，其瘋狂程度，我 老曹只可嘆句奈何。
中央政府為銀行「斷奶」
出現上述情況，理由係：一、政府強、市場弱。二、審批強、監管弱、執法弱，形成「政策市」，即所謂「紅綠燈」（政府開紅燈時，人人守規矩；政府一旦開 綠燈，人人一湧而上，亂作一團糟）。股東無力監管董事局，傳媒唔敢批評上市管理層，內地A股市場最終逃唔出Boom & Bust命運。
2007年至今，投資界仍在找尋後市新方向。1月快過去，仍未搵到2007年投資新路向。通常我地期待嘅事往往唔發生、我地好少預期嘅卻出現。不如意 事十常八九，例如1997年7月回歸時，紅籌股炒家以為香港今後係佢地嘅世界並冇實現，冇人諗過嘅亞洲金融風暴卻橫掃整個亞太區。2000年我地期待 TMT時代來臨，原來係幻想；2000年才去讀電腦嘅，今天面對嘅卻係全球網絡科技大倒風。今天投資者有好多理由睇好，直到有一天發現現實同理想原來距離 咁遠為止。旺市莫估頂。
去年外資一致睇好內地股市，今年已出現分歧，例如內地地產股、鋼鐵股、石化股同金融股都有外資出貨；去年被忽略嘅冷門股今年卻上升。亦有外資沽售紅籌、國企後，轉投香港類上市公司，令恒生指數創新高。近日恒生指數創新高，但股市內唔少股份卻出現回落。
內地政府喺1月20日結束全國金融工作會議上宣布，中央政府為銀行「斷奶」，過去唔少重要工程項目可享受國家財稅政策特別「惠顧」，今後再冇政策性優 惠。影響最大係三家政策性銀行，即國家開發銀行、中國進出口銀行及中國農業發展銀行。過去三大政策性銀行向四大銀行購入「政策性」貸款，協助四大銀行商業 化，由三大政策性銀行支持國家重要建設、促進對外貿易及推動農業。今後三大政策性銀行亦失去「惠顧」，必須同其他銀行作商業性競爭，令到未來中國響固定資 產投資上增長率放緩及出口貿易上增長率放緩；至於農業，已改由國家政策直接提供援助。
今年內地房地產面對「一費二稅」（城鎮土地使用稅額提高二倍、新增建設用地土地有償使用費提高一倍，以及土地增值稅改為清算方式繳納），而研究中嘅仲有「物業稅」。由此可見中央對今後樓價上升態度係點?!
人行初步估計，今年中國GDP增長率8％左右，L增長目標16％，CPI升幅唔超過3％，鼓勵外商投資喺國內資本市場融資，以減少外資流入及增強滙率彈性。
油價跌OPEC拋售美債
英國最大房地產網站Rightmove宣布，截至今年1月13日止，英國房價上升13.5％，其中又以倫敦切爾西住宅升幅最大，升幅達62％係該網站 2002年開始編纂該數據以來最大嘅年漲幅，證明英倫銀行去年兩次加息未能阻止房價上升，今年1月11日再度加息亦未見效。1月份英國房產平均叫價二十二 萬二千八百五十九英鎊（約三百四十三萬一千五百港元。）
香港民航處批准國泰航空（293）、港龍航空、中國國際航空（753）等六家航空公司2月1日起燃油附加費下調6％。以國泰為例，短程客運燃油附加費 由一百一十三元改為一百零六元、長程由四百六十六元下降至四百三十八元；此外，國航、南方航空（1055）、東方航空（670）、廈門航空等亦把來往香港 嘅燃油附加費下調至每程一百零六元，估計將因此令國航、南航及東航收入分別減少四億一千六百萬元、七億八千七百萬元及四億一千九百萬元。
OPEC過去三個月（9至11月）共出售一百零一億美元美國政府債券，佔佢地手上債券9.4％（上一次出售係2003年4至6月），理由係油價由七十 八點四美元回落至今，跌幅34％；加上減產，令OPEC收入大減。油價每下跌十美元，OPEC少收三百四十億美元一年。換言之，去年9月起OPEC需要出 售美元債券去抵銷出口石油收入減少；去年第二季OPEC收入減少四百二十億美元，第三季收入減少一千二百六十億美元。德意志銀行認為，如油價跌至三十美元 一桶，不但債券會被拋售，連股票亦被拋售（過去十年石油平均價三十三點二八美元一桶）。除咗OPEC外，其他債券大摣家有日本、中國及英國，最近亦減少購 買美國政府債券。
日企純利上升來自薪金下降
任何人去年跟隨高盛嘅意見而投資高盛嘅商品指數者，虧損達15％；今年高盛估商品期貨指數可升8.1％而建議吸納。德銀去年9月估計今年油價六十至七 十美元，似乎亦睇錯市。至於喺銅價及糖價，睇錯市嘅專家更多，例如羅杰斯去年一再睇好糖價，但糖價一跌再跌。上述證明專家睇市同你我分別唔大，一樣係時準 時唔準。迷信專家不如信自己。
日本六千七百萬戰後嬰兒人口去年起以每年五十萬嘅速度退役。近二十年日本出生率低，加上嚴格限制移民流入，成為OECD國家中老化速度最快嘅國家。例 如日本最大電話電訊公司NTT有超過八千員工已五十八歲，將喺未來一兩年內退休，低於三十五歲嘅員工卻唔夠一千人。日本大企業按年資加薪，形成「老人」薪 金偏高，「年輕人」薪金偏低。1990年起日本經濟步入不景氣，形成今天大企業內三十五歲以下嘅員工唔多，上述情況非NTT獨有，日本其他大企業情況亦一 樣。家嚇五十歲或以上嘅員工佔日本大企業薪金開支14％至16％。隨著佢地退休，大企業喺薪金開支方面可慳番D（部分公司重新招聘呢批退休員工，但薪金則 低許多）。未來五至十年日本大企業可透過節省薪金開支而令純利上升，但日本整個經濟卻面對嚴重勞工供應不足問題。日本企業純利上升來自薪金開支下降，對日 本未來五至十年股市影響係點？我老曹仍在思考中。美國工序外判潮近尾聲
美國音響及視象產品產量去年12月上升2％（或去年全年上升23％）。上述情況響其他製造業上亦出現，生產工序外移似乎告一段落，嗰D高科技產品例如 賣六千美元嘅新力Grand WEGA電視或一萬五千美元的Sub-ZeroPRO48雪櫃產量急升，以迎合美國富有家庭需要。上述產品嘅勞工成本所佔比重唔大，喺美國生產同響中國生 產對產品零售價影響極微。睇嚟美國1950年代開始嘅工序外判情況已近尾聲。
五十年代美國工序外判最先係日本同西德；七十年代係亞洲四小龍、八十年代係中國、九十年代加入印度；近年「工序」外判近尾聲，因為過去五十多年，可以外判嘅早已經外判。中國今年經濟亦進入關鍵時刻，希望透過內需去取代出口增長率回落。
冠中地產（193）宣布，已與獨立第三方就收購澳門一項辦公室發展項目訂立諒解備忘錄。
保興投資控股（263）股份合併，每十股合併為一股。
香港通訊國際控股（248）、中國星（326）、金利來（533）、萬佳訊（8279）、真樂發控股（1003）、中裕燃氣（8070）、宏昌投資（061）、通達集團（698）停牌。
沒有留言:
發佈留言