順德畢非德兼任金手指

　　12月5日，周二。恒生指數升241.46，收18944.19； 成交四百一十三億九千六百多萬元。12月期指高水，收19070點。中國電信（728）升16％，見四元零一仙，係2002年11月上市以來最高；網通 （906）漲8.5％，見十六元一角六仙，為2004年11月上市以來最高；聯通（762）升6.5％，見九元一角四仙，係5月2日以來升幅最大，理由係 中央政府好快頒發3G牌照。
百江同中華煤氣雙贏

　　中華煤氣（003）入股百江燃氣（1083），令百江燃氣股價 上升20％，見四元七角五仙（中華煤氣以每股四元一角八仙購入七億二千二百九十萬股，百江燃氣則向中華煤氣購入內地十個燃氣項目）。李兆基不但成為順德畢 非德，同時兼任金手指，擁有Midas Touch（傳說Midas接觸乜嘢都會變成黃金）！瑞信分析員認為，百江同中華煤氣呢一招可達致雙贏，內地燃氣項目集中由百江燃氣打理，可節省成本；高 盛認為，中華煤氣十項投資動用資金約十億元，呢次出售可為中華煤氣帶來二十二億六千萬元利潤，建議吸納中華煤氣；唯高達證券亦建議吸納中華煤氣。控制百江 燃氣嘅威華達（622）升8％，見五角七仙；控制威華達嘅百仕達（1168）升9.2％，見一元九角，係七個月內高位。睇嚟二線股尋寶遊戲愈玩愈開心！中 國人壽（2628）經近日大幅上升後，以11月27日收市價十九元三角二仙計，總市值五千一百七十一億港元，名列全球最大壽險公司，或全球第六大保險集 團！

　　2000年美國孳息倒轉，引發2001同 02年嘅通縮恐懼，聯儲局只有大幅減息去對付，並將利率降至2003年6月嘅一厘。今年同樣出現孳息倒轉，市場擔心嘅卻係通脹而非通縮。展望明年第二季應 該開始進入減息期，但減幅只有四分一厘至一厘，而非2001至03年6月嘅大幅減息，今年5月起恢復實質利率（利率高於CPI增長率）後，商品價格漸受控 制但唔係大跌，加上美元弱勢，形成明年減息空間有限（2000年11月實質利率高達五厘）！從呢點睇，明年股市及樓市仲係「穩定壓倒一切」。

　　明年遊戲規則係，點樣喺二線股身上找尋高回報率，情況有如喺幼 稚園內搵未來嘅香港小姐！邊個長大後美貌與智慧並重？邊個只係眼前嬌，長大後十分平庸？今天投資二線股唔可能失去100％本金，卻有機會賺回十倍利潤！尋 寶遊戲6月份已開始，唔少人已搵到上升100％嘅二線股。

　　進入二十一世紀，中國本身資源已無法負擔大量廉價產品出口，於 是到全球購買原材料，引發二十一世紀原材料漲價潮，為先知先覺者帶來一次賺大錢機會，例如畢非德投資中石油（857），依家利潤極之驚人。不過，到今年5 月，上述趨勢係咪又再面對改變？到咗今天，中國連清潔食水供應亦感不足，相信利用廉價優勢出口嘅時代漸漸結束。展望明年企業邊際利潤收窄已成定局；加上股 價已被炒高，從中挑選升幅大嘅股份變得愈來愈困難。明年能否成為另一個豐收年？2002年起嘅經濟擴張期似乎已結束，今年5月開始經濟已進入高原狀態，一 如上到山頂後兜圓圈，經濟唔再擴張但亦唔係收縮。美國房地產進入呆滯期，中國製造業則進入搵錢艱難期；香港消費市場高潮已過，面對業主大幅加租，削弱邊際 利潤。中國未來GDP增長率保持喺8-12％之間，明年最大可能係增長9.4％。如上述估計正確，國企股已有點overextended，依家股價反映嘅 唔只係2007年估計純利，甚至係2008年估計純利，超買情況嚴重，一次大幅調整隨時出現！家吓股市最有利因素係資金充沛，當太多新股上市將資金吸走 後，明年呢個有利因素係咪繼續存在成疑。投資策略係「Make hays when there is sunshine」（趁陽光充足製造多D乾草），用俗語講即係好天搵埋落雨柴也。

　　2007年香港經濟展望：受惠於中國GDP保持高增長，估計香 港GDP仍有5.5％增長，恒生指數O十五倍（包括2005年度物業重估所產生純利）已唔算便宜；今年度公司純利公布後，O變化唔大（今年度物業重估純利 應唔及2005年度大），展望明年度純利亦冇多大升幅（明年度物業重估升幅極之有限）。我地面對嘅股市係O十五倍而同時冇增長率，形成明年恒指上升空間有 限，最大可能性係進入整固期，大市只有能力支持個別發展。

　　高盛估計，亞太區股市（唔包括日本）明年仲可以提供23％回 報，最睇好地區係中國、印度及台灣；行業方面有銀行及高科技，估計高潮喺明年首季出現。如三個地區選其一，便只選中國。估計明年亞洲地區企業純利可上升 12％、2008年10％，相對全球其他地區仍然吸引。去年及今年中國股票上升，來自由 2004年前過度悲觀轉為樂觀，雖然明年全球經濟增長率進入放緩期，但因放緩速度有限，對中國影響輕微，反因美國經濟進入放緩期令資金出現轉移而受惠。估 計全球GDP增長率由今年4.8％下降至明年4.1％（美國由3.2％降至2％）；中國明年GDP增長率估計仍有9.8％，相對其他國家仍然十分吸引。

國指偏高可維持至明年首季

　　以未來十年計，日本GDP年增長率估計只有2.6％、美國 5.5％、香港6.3％，但中國仍有10％。如以上述速度睇，依家略為偏高嘅國企紅籌股應該唔成問題。以日本為例，戰後第一個九年高速成長期係1959至 67年，當時股市表現大大落後於經濟增長率，每股純利喺呢九年中有八年上升，但股價升幅好有限，形成到咗1967年O好低。另一個十年經濟繁榮期係 1968至78年，股市升幅同每股純利升幅差唔多，即股市同經濟同步上升。最後一段增長期係 1982至89年，股市表現大大跑贏經濟。

　　再參考香港純利最高速成長期，有1977至81年、1984至 86年及1991至93年，純利高速增長期唔及日本長，一般只維持三到五年。1977至81年受利率上升影響，股市升幅落後於企業純利上升；1984至 86年股市升幅和純利同步，而1991至93年股市升幅大於純利增長，經1994年調整後， 1995至97年更出現太多資金推動，令股價狂升。

　　最後講吓中國。2002至05年經濟表現良好，但股市反而回 落；2003年4月沙士之後，恒生國企指數喺九個月內上升118％，開始喚醒內地A股；雖然如此，2004、05年國企股純利升幅甚大，但股價升幅有限。 國企指數經過2003年4至12月大幅上升後，2004至05年10月整固，然後才再大幅上升【圖】，去年10月O仍只有十一倍，最近才略為偏高，但 overshoot情況並唔嚴重。喺市場資金仍然充沛下，偏高情況可一直維持到明年第一季，雖然大量新股上市對資金有一定壓力，但相對依家市場資金充沛， 壓力唔算大。

　　隨着中國喺環球市場扮演更重要角色，估計二十年後亞太區股市 （唔包括日本同澳洲）市場佔有率由依家12％上升到27％，同期美國市場佔有率由依家38％下降到27％，資金正大批大批由美國同歐洲、日本流向亞洲各 國，尤其係中國！亞洲區股市總值由去年底三萬九千億美元，上升到今年11月嘅五萬二千億美元，部分來自企業上市，更大部分來自股市升值！
資金一窩蜂湧向亞洲

　　亞洲對沖基金2003年初只有二百億美元，到今年10月已達一 千三百七十億美元，可見增長速度。依家環球對沖基金約一萬三千億美元，亞洲對沖基金雖然大幅增長，仍只佔環球對沖基金總市值10％左右，未來增長空間仍十 分大！仲有OECD退休基金，去年底約十七萬九千億美元（美國佔十二萬三千億美元，英國同歐洲各佔一萬五千億美元、日本九千億美元），近年才開始接受中國 股票作為投資對象，開始流向亞洲地區。而中東各產油國，來自石油出口盈餘今年達一千億美元，亦表示對亞洲地區股市有興趣，依家流入估計只有六十億至一百二 十億美元，仍未進入投資高峰期。今年6月中國批准QDII內地資金投資海外（尤其係香港），獲批嘅只有一百三十億美元，未來來自中國嘅資金亦十分龐大。

　　換言之，亞洲股市家吓只佔全球股市總市值12％，至二十年後約 佔27％，大量資金未來二十年將流入呢個市場，形成整個亞太區股市變成極之有吸引力。高盛估計，投資亞太區股市賺取20％一年並非乜嘢苛求，尤其係中國股 票，應進入股市跑贏經濟增長期！建議2007年對中國企業股份仍然增持而非減持，反而對印度股市認為宜適當地減持。

　　摩根大通12月4日發表「中國2007年：經濟穩步增長、調整 貨幣政策」，估計今年12月底人民幣將見7.75兌1美元、明年底見7元兌1美元。受人民幣升值影響，明年A股及H股市場繼續向好，估計今年中國GDP上 升10.6％、明年升9.5％；估計今年外貿盈餘一千八百億美元、明年二千億美元。

　　大摩前亞太區首席經濟學家謝國忠則認為，世界經濟周期正進入尾聲，印度已進入經濟過熱，未來一、兩年出現硬着陸可能性非常大。中國經濟周期開始向下，必須有效控制風險才可避免出現硬着陸。

　　換言之，市場對明年中國睇法同時存在睇好及睇淡分析，投資者應小心。

　　過去二十多年經濟環球化下，誰受惠、誰受害已十分清晰。隨着工序外移，最先受害嘅自然係低下階層，富者愈富已成全球現象。「二八年華」早已開始。

　　環球化對低薪人士亦有好處，就係愈來愈多來自中國及其他低工資 國家嘅產品充斥市場，令唔少產品自1980年至今不但冇漲價反而跌價（例如大部分電子產品），中國能生產嘅喺過去二十多年都在跌價！因此，低薪人士嘅薪金 雖然實質冇上升（指扣除通脹），仍可生活落去，但貧富懸殊愈拉愈闊。

　　2002年2月美元開始另一下跌潮，對借錢者有利。雖然 2003年6月起利率由一厘升至五厘二五，但今年下半年美元新一輪下跌，仍對借錢者有利；最後 1.366美元兌1歐羅會否失守？只能觀察，不要猜測。明年對借錢人士而言係咪繼續有利，由1.366美元兌1歐羅係咪失守決定。滙率有升有降一如潮水， 我地只能順應而非對抗，誰又能真正預知未來？

　　世界不斷在變，例如數碼化娛樂產品嘅出現，以及生物工程等面 世、油價上升同下降、美元滙價嘅升升跌跌，都可帶來財富或令財富消失。我老曹入行三十八年所見嘅股市起落，大嘅亦有五次，最大一次係1970年恒生指數由 100多點升至1973年3月1774點，再回落到1974年12月150點，升幅超過十二倍、跌幅超過90％！因此我老曹完全明白潮起潮落嘅威力。就以 1997年8月至今不足十年嘅大起大跌浪，幾多人嘅財富因樓價上升而產生，亦因樓價下跌而消失？1998至2000年科網股更係來得快、去得快，大量財富 因此而轉手。

　　2006年快過去，2007年又如何？邊D股份可以為你帶來一倍股本回報？唔好被恒生指數上落困擾，我地早已進入炒股唔炒市時代。專業投資者已佔據整個股市，散戶或盲俠自1997年8月起一再被淘汰，市場內已太少傻瓜！點樣挑選投資項目，成為咗新遊戲規則。

　　繼富力地產（2777）及雅居樂（3383）先後配股融資十五 億及三十億元以投資內地土地儲備，華潤置地（1109）、世茂房地產（813）亦將加強內地土地儲備。本港大型地產公司由長實（001）、新地 （016）、恒地（012）、新世界中國（917）、恒隆地產（101）……無一不在加強內地土地儲備，你相信內地房地產價格會大幅調整咩？

外資銀行入侵中國引發高消費

　　1978年雖然開始改革開放，但中國實行嘅仲係「低工資、低消 費、高積累」國策。政府要求人民勤儉以支援建設及出口，令中國經濟進入消費性社會有困難。近年為阻止人民幣升值，只有推行低利率政策，結果刺激樓價上升。 雖然政府一再打壓樓市，但各大城市樓價仍然上升（今年只有上海例外）。儲蓄、投資、消費三者必須平衡、經濟才可長期繁榮；過去中國一直係儲蓄及投資太多、 消費不足，結果係窮了家庭、富了企業。點樣刺激人民消費？將係中國政府家吓最傷腦筋嘅問題。

　　12月11日起來自全球二十七間海外金融機構包括花旗銀行、德 銀、澳洲商業銀行、蘇格蘭皇家銀行等，當然仲有本港因CEPA而提早進入中國嘅本港大銀行，過去被局限於二十五個城市，下周開始中國全面向外資開放！呢個 四萬億美元嘅人民幣存款及貸款市場，過去外資只佔2％，未來將面對外資機構入侵。外資機構不但引進投資項目攻佔資金管理市場，同時大量入侵信用卡市場及個 人消費貸款市場，會否引發內地高消費？根據麥健時統計，過去十年中國家庭存錢入銀行嘅實質回報（即扣除通脹）每年只有0.5％。外資金融機構入侵不但可大 大提升中國家庭手上資金嘅投資回報，相信同時可引發高消費，過去台灣係咁，南韓係咁，相信中國亦如此。明年我地可能需要用全新角度睇中國經濟發展！

　　卓能（131）、中保（966）、上海置業（1207）停牌。

　　■東方表行（398）12月12日；139控股（139）、明 報企業（685）、萬華媒體（426）、保華集團（498）、宜進利（304）、大凌集團（211）、新昌管理（2340）14日；福田實業（420）、 結好控股（064）、億都（259）、滙漢控股（214）、亞洲資源（899）、泛海集團（129）、泛海酒店（292）、中國燃氣（384）、建發國際 （223）、龍發製藥（2898）、勞氏環保（309）、茂盛控股（022）15日；白花油（239）、建溢集團（638）18日公布業績。