「7」的疑惑

　　12月26日，周二。今天香港仲係假期，呢個聖誕節香港到處都係內地人，同過去每逢大節本港市面靜英英嘅情況完全兩樣。過去嘅聖誕節起碼有五十萬人離港令香港市面水靜鵝飛，今年相信一樣有五十萬人離港，但同時有七十萬內地人來港過聖誕，結果反而見到香港處處人頭湧湧。

　　內地A股周一狂升，周二出現獲利回吐，深滬指數跌0.1％，收1938.24，工商銀行再升5.8％，見五元五角一分人民幣；中國銀行升2.3％，見 四元四角；寶鋼升3.3％，見七元九角；武鋼升9.9％，見五元九角八分。鐵礦石價格談判咗十一天便完成，速度史無前例，鐵礦石只加價9.5％，對內地鋼 鐵股有利，能夠達致上述協議理由係國產鐵礦石貢獻度上升及印度鐵礦石出口迅猛，減少巴西鐵礦石優勢；再加上國際海運費居高不下（8至12月巴西至中國平均 運費三十三點二美元一噸，上半年二十三點二美元），形成巴西鐵礦石價格早已較印度鐵礦石高。今次中國匆匆答應巴西加價要求，目的係唔希望日本新日鐵與巴西 淡水河谷研究合作開發項目影響國際鐵礦石價格，中國要主動權。

　　國家發改委喺網站上講，鐵路系統運輸高峰期令部分地區出現煤炭供應吃緊情況，2007年將大大改善，估計2007年中國煤炭供需將平衡，因此進一步開放煤炭定價機制，由供求雙方自行協商煤炭價格。

　　2006年以來中國煤炭市場購銷兩旺，煤炭進口依然大幅增長，出口繼續萎縮，市場價格喺高位小幅上升。經過三年高速增長後，2007年將係關鍵時期， 受進出口稅率調整、資源稅改革政策衝擊，令需求增幅有所回落，產能壓力上升。11月1日起煤炭進口稅由3％至6％，降至3％以下，出口稅卻加徵5％。今年 11月發熱量五千五百大卡以上動力煤在秦皇島價格四百六十元一噸，其他主要港口四百三十五元一噸以上後，再漲不上去。2006年5月全國在建煤炭專案二千 七百四十三個，投資三千四百三十億元，規模八億噸左右，估計2007年起進入過剩期，到2010年供求過剩達到五億噸。另一方面，生產成本因煤炭資源稅上 升，安全投入加大等令生產成本每噸多七十元。過去因鐵路運力不足，個別煤產主產地不得不租用場地存煤，形成變相供應減少，2007年鐵路運力上升，供求平 衡情況漸浮現。

石化行業面臨優勝劣汰

　　石油化工業過去因原油價格上升，令行業經濟效益下滑，不但增加下游化工行業生產成本，亦推動化工產品價格上漲及保持了化工行業景氣度，自油價由七十八 點五美元回落，令行業利潤增長下降44.57％，銷售收入下降11％，化工及相關產品進出口增長速度均有所放緩。國家為加大對高效能及資源產品出口調控力 度，取消汽油及石腦油出口退稅，暫停尿素、磷酸銨出口退稅。2007年國際大企業產品入侵中國，中國化工行業生產規模仍偏小。產品技術水平偏低，睇嚟中國 石化行業面對優勝劣汰局面。

　　國家發改委估計鋁供求情況，2007年中國總產量上升14％，至一千零五十萬噸，消費上升13％，至九百六十萬噸，首次出現供過於求。但15％稅仍繼續維持以減少中國總出口及增加國內供應量。

　　聯合國安理會23日通過對伊朗實施制裁，伊朗25日回應唔服從，令油價今天上升0.8％，見六十二點八八美元。伊朗係OPEC第二大產油國，上述決定將進一步增加中東緊張局勢。

　　日本11月失業率4％，核心消費價格指數上升0.2％，令日圓跌至118.96兌1美元，估計1月18日日本央行將加息。

　　德國政府計劃2007年1月1日起把VAT（銷售稅）由16％加至19％，歐洲央行已警告將刺激CPI上升並計劃進一步加息。今年柏林樓價上升，年初我老曹經考慮投資但結果冇咁做，理由係德國稅率太重唔划算。

　　美國上周末零售上升23％，令今年美國聖誕節零售共上升5％，雖然係2002年以來最小升幅，但上述數字已高出預期。

　　美國11月份PPI上升2％，係三十年內升幅最大一個月，睇嚟美國通脹前景繼續令人擔心。呢個數字令上周五美股回落。但周一內地A股卻狂升，周二才微 跌，依家有三十七隻A＋H股，而其中六隻H股不低於A股，A股高於H股10％以上佔總數70％。A股較H股有溢價唔構成購買H股嘅理由，例如1994至 95年H股曾較A股貴，1996至2003年漸漸地A股較H股貴，2004年起H股又追上漸和A股差價縮小。今年國壽（2628）、平安保險 （2318）、廣深鐵路（525）、首都機場（694）、大唐發電（991）、交行股價（3328）大升，理由都同A股（或計劃發行A股）有關。但洛陽玻 璃（1108）A股較H股高四點四倍，卻又拉不動H股價。由於A股與H股之間互相不流動，兩者關係主要喺心理刺激而非實質，因此A股對本港H股股價影響如 何？很難下判語。本周三港股相信出現分裂，嗰D受內地A股影響嘅國企股將繼續上升，但亦有些股份受美股影響而回落。

　　華爾街統計數字證明大部分分析員仍睇好2007年股市。不過，股市往往唔係「靠大邊」，恒指由2003年4月25日的8331點升至2006年11月 23日19404點，升幅達132.9％；而由2006年6月13日的15204點升至11月23日的19404點，亦已上升27.6％，未來甚至升穿 19404點，恒指又能再升幾多點？Santa Claus Rally完成後，本周又點睇？

　　2006年聖誕節過去了，投資者係咪更富有？或者係；更聰明？希望係；老一點？一定係。Boxing Day拆禮物結果往往發現「You don't always get what you want!」（大部分禮物都唔係你想要嘅！）2006年至今日經平均指數只升6.57％，美股升15.17％，台股升18.01％，恒生指數升 29.87％，深滬指數升108.7％，可見內地A股升幅極大。港股如果冇內地股份帶動，升幅相信同美股或台股差唔多。2006年港股投資成績係點？好大 程度由揀股決定，表現最出色當然係國企股。至於本港房地產除豪宅外，一般住宅樓價2006年平均升幅只有5％。2006年建築業仍係不景氣，大型項目如西 九文娛中心、啟德機場改建郵輪碼頭，甚至金鐘地王興建、港珠澳大橋，仍未見實際行動，可以話1998年新機場工程完成後，至今本港建築業已經歷十年低潮， 形成建築股一蹶不振。幸好澳門賭場酒店大量興建，為本港建築業提供部分商機。

國企股成為東南亞最貴股份

　　2006年深滬指數上升108％，唯一跑贏深滬指數係胡志明指數，升154％（不過越南股市好細，未能作準）；反之，2005年年底時最被睇好嘅日經 平均指數只上升6.17％，日本細價股指數更回落55％。家吓日股市價只較賬面值高二點七倍，甚至較美股更低，但國企股市價已係賬面值六倍，中國國企股已 成為全東南亞最貴股份，日股卻係亞太區最便宜股份。今天世界十大銀行中有三間係中國嘅，包括工商銀行（1398）、建行（939）及中國銀行 （3988）。澳門博彩稅收入今年前十個月達四百五十億六千萬澳門元（約五十五億一千萬美元），較2005年同期上升17.8％，超過拉斯維加斯同期五十 四億四千萬美元，較2005年同期上升8.4％。澳門政府估計今年博彩收入達五百五十億澳門元，明年打破六百億元大關。喺2006年已係全世界最大賭城， 澳門以營業額計已成為世界上最大賭博城市。香港股票市場亦成為全球集資最多股票市場。

　　國壽宣布A股發行價為十八元一角六分至十八元八角八分人民幣，估計將凍結八千億元人民幣！國壽亦獲批十四億美元外滙投資額，首席投資官劉樂飛表示，國壽打算大部分投資在港上市的H股。

稅率併軌有利大型國企

　　另傳中國內外企業所得稅有望2008年1月1日併軌，一律為25％，對符合條件嘅小型微利企業將實行20％照顧性稅率（依家內資企業稅率33％、外資 企業24％至15％、內資微利企業率27％至18％。由於各種稅收優惠，外資企業所承擔實際稅率大部分只有8-9％，內資企業稅率平均22％，只有大型國 企稅率才係30％）。稅率併軌有利大型國企，不利外資企業，內外企業稅率併軌代表中國以優惠政策吸收外資時代結束。受惠嘅有鋼鐵業、煤炭業、造紙業、有色 金屬業。除咗少數喺深圳、浦東等設立嘅特區概念銀行稅率15％外，國內絕大多數銀行有望喺稅率併軌中受惠。

　　2005年聖誕節前內地股市被形容為「唔會吠嘅狗！」，十二個月時間變化係咪好大？2006年又可視為揀股年，不同股份表現互異；邊D股份係Good，邊D股份係bad，邊D股份係ugly，對閣下2006年投資成績影響好大。

　　國家發改委價格司宣布資源性產品價格改革方案，已獲發改委主任辦公會議原則性通過，進入徵求意見期。即將上報國務院，同意後2007年開始逐步實施， 即未來水、石油、電力、天然氣、煤炭等資源性產品價格調整，再不必另行召開聽證會；排污費、污水處理費和垃圾處理費徵收標準各城市可自行提高，即2007 年起資源性產品價格將反映市場價格，包括生產中各種直接間接費用、必要利潤，以及破壞污染環境所形成環境成本。估計2007年內地水價、油價、電費、天然 氣費、排污費等將大幅度上升，進一步加重製造業負擔。

　　《人民日報》海外版認為，中國加入WTO五年內，成為中國經濟發展最好嘅一個時期，帶來五大利好：一、經濟持續快速增長：二、雙向投資快速發展；三、城鄉居民收入普遍提高；四、對國際規則更加熟悉；五、促進國內產業發展。

中國進入「後入世時代」

　　中國12月11日起進入「後入世時代」：一、市民對汽車、數碼產品等奢侈品關注度高於水果、化妝品等普通商品。今年中國轎車銷售達三百八十萬輛，較 2001年翻了兩番還多，大量家庭圓了轎車夢，愈來愈多人擁有現代化，但享受現代化成本卻不斷提升，例如汽油價貴了、馬路塞車了、泊車成本急升了，出現 「買得起馬卻配不起鞍」嘅怪現象。二、世界銀行報告說，中國加入WTO，每年帶來四百多億美元收益。與此同時，中國農民平均收入扣除通脹卻下降了，其中最 貧困農村人口生活水平下降6％。中國農產品進口關稅下降，中國農產品國際競爭力低；加上受「綠色壁壘」限制，自2004年起中國農產品貿易首次出現逆差 後，2005及06年逆差進一步擴大。入口農產品大量侵佔中國市場，令中國農民收入一再下降。三、中國政府在全球經濟化下，轉為服務型政府速度不夠快。在 修改和廢除法律、法規和部分規章上，仍未能同國際接軌。唔少問題都係同制度瓶頸有關，而未能建立起良好市場秩序。四、中國電信及水電等部門工作人員工資較 國內其他競爭性行業職工工資高幾倍、十倍甚至一百倍。但民營企業根本上無法進入這些行業，例如金融業、石化業、電信業，形成這些市場仍由政府主導，並冇真 正開放。例如四大國有銀行，由政府直接注資；加上政策上保護令社會財富向國有銀行業聚集，上述情況係「後入世時代」改革所在。五、投資未有合理控制，節能 降耗應升級。雖然今年7月起固定資產投資增幅已在下降，但仍然太高，新開工專業仍然較多，節能降耗方面所取得成就十分有限。

　　上海《東方早報》12月26日報道，部分區縣要求台灣人證明已在境內居住滿一年才可以喺上海買樓。呢D地區包括浦東新區、靜安、寶山等，港、澳同胞暫 時唔受影響，仍可購買一套住宅自住。今年首十一個月廣州商品住宅房均價由五千五百六十四元升至六千六百三十三元，上升19.2％；深圳升幅更達30％，依 家普通住宅樓價更達七千二百零九元一方米。2006年全國只有上海住宅房價微跌；全國七十個城市商品住房平均漲幅5.8％，從12月份表現睇，2007年 內地樓價升幅可穩定下來。

國人買名牌貨將年增25%

　　日本人對名牌貨最瘋狂，每一百元購物中四十元用作買名牌貨。北美洲、西歐同香港較正常，每一百元購物中十六元用作買名牌貨。中國仍只係單位數，分析家 估計未來五年中國人購買名牌貨將按年上升25％，而達致港人水平（即每一百元購物中16％用作購買名牌貨）。呢個聖誕節來自內地新發財喺香港狂掃名牌貨， 因為過去佢地未曾擁有過，例如Hugo Boss, Prada, Bulgari, Ralph Lauren, Polo Ralph Lauren, Coach等名牌貨漸成新貴，內地人已唔再局限只認識LV或Gucci，近年認識世界品牌愈來愈多。

　　致富之道，最好係建立自己事業，社會上所有超級富豪都係企業擁有者。第二種方法係投資股市及房地產。例如六十年代每一萬元投資以年率15％計，到 1997年變成六十六萬元，1997年後每年財富再升值15%並唔容易，過去十年如能保持8-10％增長已十分難能可貴。如以美國過去一百年歷史看，投資 回報率每年平均亦只有8-10％而非15％；不要小看8-10％增長率，可以每十年上升116％至150％，即2007年閣下家財係1997年一倍以上， 估計50％投資者仍做不到。2006年後恒生指數已連續第四年以雙位數速度上升；未來要達致上述增長速度，投資必須進取及承擔大量風險或在掌握時機上一 流，才可保持高增長。

　　2006年快將結束， 2007年就快來臨，股市已連升四年，2007年又會點？所謂「7」的疑惑，例如1997年上半年股市好，但下半年股市十分差；1987年首三季前股市 好，第四季股市甚差。2007年又如何？通常股市上升五年便有較大幅度調整，因此2007年宜小心處理．內地A股已有點瘋狂；至於這段瘋狂日子可維持幾 耐？便要事後才知道。