內地股市中期調整

1月31日，周三。恒生指數跌354.04，收20106.42；成交五百零六億二千九百多萬元。2月期指高水，跌365點，收20155點。受滬深三百 指數急跌6.53％影響，中移動（941）回落3.2％，見七十一元六角；建行（939）跌2.1％，見四元六角；國壽（2628）跌3.4％，見二十二 元八角；平安保險（2318）跌1.7％，見三十七元七角；聯通（762）跌4.7％，見十元四角八仙。新濠國際（200）跌3.1％，見十六元五角二 仙，因花旗調降其評級。國美電器（493）逆市上升3.8％，見八元二角八仙。中芯國際（981）升0.8％，見一元二角四仙，因公司去年第四季恢復獲 利。

滬深指數O倍於其他新興市場

　　滬深指數出現二十一個月以來單日最大跌幅，萬科跌9.4％、招商銀行跌6.9％、中信證券跌7.2％、中石化跌8.8％、上海石化跌4.9％。英國 《金融時報》引述成思危响杜拜會議上嘅講話：上海交易所上市嘅公司中，僅有30％按西方標準係值得投資嘅，同時認為中國股市已出現泡沫，最終好多人都會賠 錢。

　　滬深三百指數過去十二個月升幅達155％（包括今年1月升幅26％）；以2007年估計純利計，未來O三十八倍，較其他新興市場（MSCI）指數O十 五倍高出一倍有多。後市點睇，大家各持己見，事後才知誰對誰錯，但A股泡沫早已存在，問題只係唔知道幾時爆破而已（如參考1996至97年8月紅籌股熱 潮，維持十八個月；今年1月已係A股第十八個月上升）。每次泡沫爆破前，必定出現嘅情況係投資者自鳴得意（驕傲往往走响失敗之前）。

　　德意志銀行建議A股投資者應採取防禦性策略，因內地股市已上升唔少，即使中長期仍樂觀，短期出現調整難免。德意志首席經濟學家馬駿話，監管部門面對A 股股市過熱、固定資產投資增速等問題，採取緊縮政策如加息、風險提示，制止非流動資金流入股市，加強執行行政調控手段力度；加上美國經濟可能出現令人失望 嘅數據，引發全球新興市場調整並唔奇。德銀睇好嘅行業有銀行、汽車、機械、醫療器械、環保、基礎設施、消費、軟件及金礦股。

　　瑞銀亞太區房地產研究部主管王震宇話，內地房地產股並唔貴；反之，美國、澳洲樓市已見頂，資金都跑到亞洲。2005年起，大部分房地產發展商盈利增長 率都喺四成以上，因為房地產商都買咗好多便宜土地。佢認為，上海樓市仍未完成調整，其他城市房地產問題都唔係太大，繼續有上漲趨勢。佢特別睇好嘅城市有長 沙、瀋陽、成都等二線城市。至於高盛則建議趁低增持中資銀行股如交通銀行（3328）、招商銀行（3968），對內地銀行股保持中線睇好。

銀監會留喘氣機會畀市場

　　呢次單日大跌市，係中央領導未雨綢繆，提前擠壓泡沫，以免步上八十年代中期日本《廣場協議》後嘅後塵房地產及股市喺短短數年內大漲，泡沫愈吹愈大， 1990年爆破後帶來十三年調整，所以不如利用中期調整進行震倉，等投資者拋出獲利豐厚嘅股份，打壓一下過熱股市，反而有利長期發展。事實上，春節後銀監 會將全面調查按揭貸款違規事件，依家冇馬上展開，係留番D喘氣機會畀市場。如無意外，一次中期調整已開始！

　　繼房地產增值後，深圳房地產部喺網絡上公布一份「追繳令」，要求開發商喺4月1日前繳交1994年11月以來所有完工項目嘅「公用設施專用基金」。中 信證券計算所得，深圳開發商欠「公用設施專用基金」約五十億元人民幣，如果4月1日前便全部要繳交，壓力好大，形成深圳地產股短期內受壓。

　　對中國而言，最理想嘅股市係連續二十年上升，每年升幅喺15％至30％左右，而非一年上升138％，2007年1月再升27％。咁樣落去，一旦下跌點 算？中國境內有三十四萬億元人民幣存款，平均存款回報率只有二厘，海外投資更受嚴格限制，形成資金大量流入樓市（因仍有6％租務回報）。近年响物業市場受 到政府打壓下，資金流向購入基金；近日政府已停止發牌畀其他基金、暫停新基金申請，反而令資金直接流入股市。上市A股有大量非流通股份，今年陸續到期開 禁，形成短暫時間股份出現供不應求，造成股價由供求而非公司業績推動升降。

　　政府頭痛嘅事係今年當內地樓價漸受控制之時，股市又出現泡沫。參考外國因素，如CPI升幅達2.8％，存款利率必須喺四厘八或以上，資金才唔會到處流 竄。如人民幣存款利率四厘八，又點同美元掛鈎？上述情況，1990至97年香港曾經歷過，令資金齊齊湧入物業市場及股票市場，造成經濟Boom & Bust；上述情況2002年起响內地出現。

　　去年12月份日本人工資出現近十六個月內最大跌幅，主要係冬季花紅大減，令12月份收入較2005年同期減少0.6％，平均每一工人花紅只有五千五百 日圓（三千五百多港元）。睇嚟2月日圓加息機會進一步下降，去年全年日本工資只上升0.2％（1997至2005年共跌10％）；日本家庭12月份消費較 2005年同期減少1.9％，核心通脹去年只微升0.1％。日本1990年開始，時好時壞嘅經濟仍然持續。

　　中國建設銀行研究部報告指出，今年中國經濟增長率保持喺10％左右，央行可能再加息一到兩次、人民幣滙價上升5.5％，存款儲備金率仍會上調三至四次，CPI升幅2.5％、2007年固定資產投資增速22％咁上下、零售業上升14.5％。

　　《經濟學人》執行主編丹尼爾．富蘭克林估計，今年美國GDP增長率為2.2％，CPI升幅3.3％。OECD國家GDP增長率估計喺2％至3％，新興 市場國家GDP增長率7％至8％；其中又以中國最出色，估計GDP增長率9.8％、CPI增長率2.3％。全球GDP增長率4.7％，較去年嘅5.3％有 所下滑。中國對美國嘅依存度正在下降中，對歐盟出口已超過美國。美國市場佔中國出口總額由1997年40％下降到家吓25％，因此中國經濟唔一定受美國經 濟增長率放緩影響。

解決流動資金過剩仍需國人消費

　　中國出現流動資金過剩，理由係加工出口貿易順差不斷增長，帶來外滙積累。中國人消費額唔大，將佢儲蓄起來或投資，便造成房地產價格持續上升、股市火 爆。去年中國貿易順差一千七百七十四億七千萬美元，較2005年嘅一千零一十八億八千萬美元上升74％。但中國政府唔係束手無策，而係透過：一、加息； 二、公開市場操作，發行債券將流動資金抽走；三、提高存款儲備金率，去減少市場上流動資金過剩。不過，大型國企到海外上市，令資金大量流入中國，削弱咗上 述三種方法嘅「藥力」。真正解決流動資金過剩嘅方法，仲係要國人增加消費。　　美國去年11月孖展戶口負債較同年1月增加21％，或相等於美國GDP 2％，係2000年11月以來最高，證明去年唔少美國投資者借錢炒股票！今年情況如何？如繼續借錢炒股票，好快便達到2000年3月水平。

　　當企業純利升幅放緩，投資者又再擔心利率問題。今天支持股價喺現水平嘅理由有二：甲、企業純利增長率。乙、利率仲係偏低，並希望年中減息。假設今年企 業純利升幅唔及去年，便有如雙引擎噴射機嘅其中一個引擎失去動力；如年中減息希望落實，另一引擎亦冇埋動力。跟住係點……dido！

港租金上升將推高CPI

　　CPI升幅因勞工市場供應不足而加快，仲有食物價格上升，亦推動CPI向上，今年CPI升幅可能較一般人估計中大，而阻止咗年中減息嘅估計實現。事實 上，近年各國央行為刺激經濟，早已播下通貨膨脹（流通貨幣大幅上升）嘅種子，只係2001年開始嘅貨幣增加主要流向金融市場及物業市場，未刺激消費物價指 數（CPI）上升。一旦資金由金融市場或物業市場流向消費市場，可令CPI大幅上升。香港近期租金狂升，已令消費品售價及服務業成本大升；加上港元弱勢、 利率偏低，今年香港CPI升速加快絕對唔奇（至於CPI升幅加快係咪有利樓價及股市？請參考2月1日出版《信報月刊》我老曹嘅文章。「九．一一慘劇」後十 八個月，美國政府透過減息、減稅，為美國經濟注入一萬五千億美元，令2003年第二季起全球經濟復甦，避過一次「日式衰退」。到2003年3月美國聯儲局 見好應該收手，但格蛇為咗加快復甦步伐，聯邦基金利率繼續向一厘息進發，結果令利率低於CPI增長率二厘，並維持喺呢個水平長達一年。估計2003年4月 至04年6月呢段日子，聯儲局為經濟再注入一萬億美元新資金，2002年起資金已不甘心停留喺美國，改為向全世界流竄，引發美元滙價轉弱，刺激歐羅M以年 率9.7％速度上升（媲美美國），中國L更以年率18％速度上升，才能阻止人民幣滙價上升。至此，全球資金泛濫局面已形成，再透過衍生工具將之「乘」大至 三十五萬億美元，形成資金所到之處皆被淹沒，直到去年5月才開始退潮。

　　鈞濠集團（115）、天鷹電腦（1129）、第一太平（142）、旭日環球（353）、新怡環球（1094）、深圳中航實業（161）、資本策略（497）、ROJAM（8075）停牌。

　　武夷藥業（1889）新上市。

　　中國永樂（503）撤回上市地位。

　　■白馬戶外媒體（100）2月14日公布業績。