海倫假期

　　2月13日，周二。恒指跌461.16，收20132.25；成交五百億四千七百多萬元。2月期指低水，跌520點，收20107點。今天係港股兩個月內 最大跌幅。中移動（941）跌3.7％，收七十二元四角，投資者擔心沃達風沽售手上3.3％中移動套現；和電國際（2332）跌15％，見十六元二角八 仙。信置（083）跌3.9％，見十七元七角八仙；長實（001）跌3.9％，見一百零一元三角；新地（016）跌2.1％，收九十四元。後市展望，恒生 指數二萬點如失守便大件事。

恒指20000點關鍵

　　日圓止跌回升，見121.41兌1美元，係2005年12月以來最大升幅，後市係咪進入日圓unwind期？估計國際間共借入一萬億美元市值嘅日圓去投資其他項目，如日圓轉強，對沖基金會拋售其他項目回購日圓，例如去年5至6月就係咁引發全球跌市。

　　雖然G7施壓，但人民幣今天仍跌0.22％，報7.774，因為人行欲打消人民幣持續升值嘅諗法。

　　股市需要理性嘅投資者，當滿城盡帶黃金甲時，投資者更需要理性及冷靜。長遠而言，只有強者先可以喺股票市場獲超水平收益（只佔總人數約15％）。歷史 上冇只漲不跌嘅股市，如恒生指數低於二萬點，代表大方向改變，並確認1月24日大市見頂。請記住，一、手上股票一天未賣出，便不應計算自己賺咗幾多，只係 紙上富貴而已；二、理財唔同發財，理財不慎可以蝕本。三、投資回報率一旦超過20％一年，代表股市已非理性。响強烈投機心態下，忽略咗眼前風險，變成炒作 行為。

2月調整已在眼前

　　狗年花魁肯定係國企股。豬年股市，理財之箭射向何方？能否繼續狗年暴漲嘅情況？股票市場唔同澳門賭場。無三不成幾，當股市出現第四個交易天回落，跌幅 自然擴大！2月份係股市回落嘅傳統月份，睇嚟2007年亦唔例外。尋頂通常吃力不討好，前高點係1月24日嘅20971點，低點1月31日20008點， 後市一旦低於20008點，便確認一浪低於一浪。家吓距離20008點不足130點，可以話係極之危險嘅水平。

　　期望中嘅2月份調整（February correction）已喺眼前，我老曹諗緊係咪「海倫假期」（Helene Vacation）（海倫每次放假都唔止一天，通常都係悠長假期）？今年1月股市已經極度超買，Market Vane自去年12月起一直保持响70％以上，上周數字係72％，情況同去年5月前極之相似。股市經過一段較長時期處於超買局面後（例如三個月至六個月） 突然出現急跌，便可能產生「海倫假期」現象。

　　上月銅價跌9.4％，可能係黃金歲月（Goldilock）結束嘅前奏。銅一向有「銅博士」之稱，因為其可反映工業前景！銅價過去十個月下跌35％， 上述有乜啟示？上周美國首次向WTO投訴中國，中國有兩個月提出反駁，睇嚟中美貿易關係正隨着民主黨喺國會佔大多數而惡化，同期A股指數卻炒到半天高。

　　各位要記住，貝南奇唔係另一個格蛇，佢唔會發動「水浸金山」；自貝南奇上任後，去年5月起市場資金已逐步抽緊，只係存在市場內嘅資金實在太多，股市仍 然向上，直到有一天發現牛市結束，人們才驚覺形勢已改變。L增長率已由去年9月起一直在回落，標普五百間公司連續十八季純利雙位數字上升會否結束（去年第 四季純利升幅平均只有8.1％）？純利增長率下降，O應睇跌，一次由資金泛濫推動嘅升市今年2月開始係咪進入海倫假期（或重演去年5月情況）？以過去歷 史，美國公司純利好少能夠保持連續十八季雙位數字上升，財富喺短短四年半時間出現咁巨大變化，問題係2002年下半年至去年嘅情況可長期維持咩？企業純利 改善方法有：甲、管理方面提升；乙、滙率優勢；丙、商品價格上升帶來異於正常嘅純利。中國外貿盈餘由2002年二百七十億美元上升至2006年二千零七十 億美元，就係受惠於滙率優勢及商品價格上升帶來異於正常嘅純利。上述優勢令中國出口由2002年三千六百億美元升至2006年八千四百億美元；即使數字咁 大，仍只佔全球GDP 2％。今年中國只要保持滙率優勢，出口仍將大幅上升，外貿盈餘亦會繼續增加，只係隨着商品價格上升期結束，中國公司純利升幅今年將走下坡。

打工仔佔GDP份額回升

　　2002年至去年內地純利大升嘅企業，都係資本密集型公司（Most Capital Intensive Companies）。隨着今年美元滙價穩定下來，未來內地純利大升嘅企業應該係毋須大量資本投入嘅公司（Least Capital Intensive Companies），例如服務業、零售業、金融業等。

　　從過去例子邊際利潤（Profit Margin）由正常進入偏高期只能維持三年到五年，呢次邊際利潤上升期由2002年至去年上半年，去年第四季開始逐步重返正常水平（即純利進入低增長 期）機會好大。MSCI世界指數（包括全球大部分股市）由2002年低點至今上升150％，但GDP只上升50％，即企業純利升幅大於GDP三倍（或 GDP增長所產生嘅效益由投資者分享，打工仔冇份）。上述情況不可長存，今年開始打工仔加薪幅度漸超過GDP增長率加CPI增長率，未來打工仔薪金佔 GDP份額回升；加上儲蓄率喺美國、澳洲及加拿大等國家接近零，即投資資金有賴外資流入美國，而非來自儲蓄。上述客觀環境，在在顯示未來股市升幅極之有 限。

　　資金分配方面，二十六年前美國投資者好少投資海外，今天美國投資者有唔少海外項目，一般所佔比重達16-17％。唔少機構投資者三分一資金喺美國以外 地區、三分二喺美國本土。例如港人從事海外（或內地）投資亦愈來愈多。2003年至今新興市場股市跑贏美股及港股，今年又點？

　　股市經過2003至06年大幅上升後，今年出現軟着陸機會好大，問題係唔知邊一日開始？整個2007年聯儲局宣布加息或減息嘅機會都唔大，今年企業純 利仍在上升，但升幅放緩令O下降。大市以個別發展為主，恒指亦進入呆滯期。大量好友充斥市場，淡友冇地方企，情況有D似去年7月嘅油價。今年1月起我老曹 主張投資策略宜保守，但同意嘅人唔多。去年6月至今，恒生指數鮮有跌幅超過10％嘅日子，投資者已忘記「風險」呢回事。例如美國股票孖展借貸已出現新高， 共三千零三十億美元，打破2000年3月嘅高水平，係咪另一高點在形成中？日後才知道。　

　去年A股瘋狂，香港H股亦有D癲癲地，未來調整幅度唔細。經驗話畀我地知，任何高點一旦形成，未來十年八載亦無法接近。例如1997年8月紅籌股高潮、2000年3月科網股，2007年1月H股係咪另一個？

原材料價將高位牛皮

　　1992年中國只有二百萬輛私家車，今年已超過五千萬輛；印度1992年有三百萬輛私家車，今年已接近三千五百萬輛；俄羅斯1992年只有五百萬輛私 家車，依家接近七千萬輛……。由此可見過去十五年喺新興工業國家內中產階級嘅冒起，上述係令2000至06年全球原材料價格大升嘅理由。展望未來十五年， BRIC（金磚四國）中產階級仍如雨後春筍，但原材料價格經過五年至七年上升後，產量亦進入大幅上升，而進入高價牛皮局面。例如油砂生產進入擴產期，有助 壓抑油價進一步上升。加拿大McMurray過去係荒野，今天投入資金已超過四百三十億美元，成為二十一世紀另一次「尋金熱」，估計2015年前再投入資 金達四百五十億美元，用於基建項目，例如起學校、醫院及社區，估計當地人口五年內將上升三倍……。McMurray未來將相等於今天加拿大嘅阿伯達省。其 他礦產進入擴產期，令礦產價格唔易大升。