11月3日，周五。恒生指數升34.91，收18749.69，成交四百二十七億四千五 百多萬元。11月期指跌67點，收18703點。新鴻基地產（016）升13％，見八十七元五角五仙。恒隆（101）升2.61％，見十七元三角二仙。長 江實業（001）升1.7％，見八十六元四角；估計明年初美國減息有利本港房地產。中遠太平洋（1199）跌3.35％，見十五元五角六仙。
下周北京五千個3G用戶開始試用流動電話，年底TD-SCDMA將出現較大型試用，包括LG手機由晨訊科技（2000）設計及內地兩大品牌手機將參加試用。估計中興通訊（763）將係最大受惠者，因為由網絡建立到3G手機生產都有份。
國美（493）收購永樂（503）後，今年純利估計可達七億二千八百二十萬元或每股獲利三十六仙，O十八點七倍，明年獲利估計九億八千五百萬元或每股四十三仙，未來O十五點六倍，不過不失。現價可持有但唔值得追入。
合生創展（754）停牌，宣布以每股十六元三角至十六元六角發行六千萬股新股，佔擴大股本後4.67％，較停牌前十七元八角低6.7至8.4％，配售新股有助合生減少負債。該公司9月時公布上半年獲利四億三千七百萬元，較2005年同期上升10％。
中國鋁業（2600）公布11月3日起將氧化鋁出廠價由每噸二千九百五十元降至二千四百元，下調幅度19％。
睇趨勢唔夠耐性冇錢賺
花旗集團調高今、明兩年香港GDP增長率，今年由原先估計上升5.7％改為6％（政府估計5％）、明年增長率由5％改為5.3％，理由係美國及中國需求強勁支香港出入口業務，令失業率下降及更多資金進入股市，股市上升又刺激港人消費上升。
今年5月後分析者如低估好友力量係錯誤，如因此而忽視淡友攻擊能力亦太大意。今年5月大市至今係個別股份upgrade及downgrade同時存 在日子；醒目對沖基金經紀如同時拋空A股（downgrade）及買入B股（upgrade）便麥克、麥克。八十年代好友太陽陳曾提出「拋空黃金收息、 D錢用供樓」真係兩邊賺，可惜佢冇持之以恆，九十年代因涉足太多行業，錯過九十年代空金供樓黃金機會。有時睇趨勢，但耐性唔夠，亦一樣賺唔到大錢。
瑞銀華寶證券研究後搵出沃爾瑪貨品平均售價較其他超市便宜17-20％。此一優勢令沃爾瑪於1971年由一間小百貨公司，變成今天全美最大（全球員工 一百八十萬、其中一百三十萬美國工作）。雖然工會攻擊佢低薪招聘員工，以芝加哥為例，沃爾瑪欲招聘三百二十五個職位，卻有二萬五千人申請；奧克蘭三百 五十個職位有一萬二千人申請；沃爾瑪實在搵唔到理由要高薪招聘；加上產品大部分自中國，佢便做到「低價入貨、廉價出售」此一優勢而成為美國最大百貨公 司。邊D公司有其他公司冇優點？只要持之以恆遲早變成大企業，例如七十年代恒生銀行（011）員工較其他銀行有禮貌，已可令恒生成為今天大銀行！今天間 間銀行學恒生，職員同樣有禮，令恒生此一優勢漸失。
VIX下降軌失守
美股VIX仍然好低，代表近日入市風險較大。VIX自6月起一直回落，最近下降軌失守【圖】，即未來拋售力量回升！美股一次技術性調整快將出現，短線 投資者宜小心。今天聰明投資者都涉及五項資產︰即股票、債券、外、商品（例如黃金）及房地產。資金五項資產上不停地走來走去，已好少人獨沽一味；如 果你仲唔明白點樣玩資產分配（Asset allocation），根據諾貝爾獎得主Harry Markowitz研究成立「現代投資理論」（Modern Portfolio Theory），所有投資者91％回報自如何分配資產。過去五年華爾街分析員建議係45％股票、35％債券、10％外幣、5％商品（如黃金）及5％地 產，即投資分配向股票及債券傾斜而減少商品及房地產方面比重。如進取點便加重股票投資減持債券、外幣、商品及地產。過去五年如採用華爾街建議策略，每年 投資平均回報7.71％；如採取進取策略，每年投資回報13.54％（或五年財富上升一倍）。
2003年經濟復甦，除工業用金屬及石油外，其他商品價格升幅仍未跑贏地產股，農產品及牲畜價格更係大落後。換言之，站投資角度，農產品及牲畜投 資價值好低，只有受天氣影響，上述產品才可以狂升（但邊個可預測天氣？）；從技術走勢睇，銅價和油價已見頂，應否轉而投資農產品及牲畜？少玩無妨。
瑞銀向投資者建議明年投資策略︰一、股票、中性、必須精於揀股。二、債券、負面及減持。三、商品、中性偏淡。四、地產應以亞洲及日本收租股為主。五、能源股相信油價見頂吸引力有限。
地區方面︰一、歐洲仍在重組，加上12月利率將上升到三厘七五，吸引力一般。二、中國2007年GDP增長率放緩及貿易磨擦加劇。三、日本消費上升但企業邊際利潤下降。
建議投資分布50％股票、22.5％政府債券、10％公司債券、5％商品、5％地產、5％外幣。地區以美國為主，亞洲、歐洲及日本為次。投資策略︰以保守為主。
股市上升已接近四年，美林證券投資策略員Richard Bernstein及Kari Pinkernell為客戶制訂2007年策略如下︰
一、依家找尋增長項目愈來愈困難，因為過去幾年在資金泛濫下，資金有如水銀瀉地，好股份大部分已被發掘。
二、能源商品價格上升，產生「達爾文式」市場（適者生存），形成大企業及有環球策略者跑出。
三、孳息率倒轉。自1966年至今每次孳息倒轉之後，都有一段純利增長放緩期，相信2007年亦唔例外。
四、投資策略應減持零售股、金融股（尤其係保險股）、商品股及能源股。
五、2007年投資策略以保守為主，新興市場經濟一般都由出口推動，本地消費市場發展不足，因此承受外來影響能力較弱。
六、科技股一般而言仍然偏高，當然亦有部分較為吸引，但唔易找尋。
七、美林證券認為傳媒股今年見底可多加留意，唔排除明年復甦，包括發展網絡設備科技公司及電訊公司即TMT股重新被睇好。
八、美林同時睇好軍火股（本港冇呢類股份可以不理）。
九、債券方面以3A級為主，注意風險問題。
十、留意日本消費股，日本消費市場在復甦中。
上述意見對各位唔知有冇參考價值？
兩位聯儲局政策制訂者其中一位New York Association for Business Economics會上發言，另一位唔同場合，異口同聲認為未來美國通脹率進一步上升風險唔大，Fisher更批評格蛇2003年將利率維持一厘時間 太耐而引發樓市投機活動。
經過一番擾攘後，貝南奇信譽開始建立及獲華爾街人士讚賞及認同，佢經濟觀：經濟開始「軟陸」漸多人同意。至於美國GDP低增長最終能否令CPI亦 出現低增長？要明年才知道。因為勞工不足因素正在推動工資上升，股市開始進入「半杯水經濟觀」，債券價格又再上升，令十年債券利率見四厘六。今年第三季生 產力只升1.1％，而勞工成本上升3.8％（即工資以年率5.3％速度上升，此乃1982年起最高亦超過二十年平均數年率1.9％）；今年下半年起，美國 經濟逐漸進入另一次由勞工成本上升推動CPI上升期，令金價表現較估計中強，美元表現較估計中弱。12月期油跌穿五十八美元，見五十七點八八美元；無鉛汽 油見一點四五美元一加侖；取暖用油見一點六三美元一加侖。天然氣價格略為回升，因美國漸入冬季。至今為此，十一個OPEC成員國中共有五個減產；尼日利亞 卻增產，伊朗對歐洲用戶減產對亞洲用戶增產，12月14日會議會否決定進一步減產？（科威特油長認為如不進一步減產，油價無法企於六十美元一桶。）
美軍留伊對美元極為不利
美國已有意從伊拉克撤軍，分析家認為，如果美軍退出，伊拉克極有可能陷入內戰，重返1914年情況（即一分為二）。武裝組織已佔領北方及南方鄉村並計 劃長期鬥爭。如美軍仍留伊拉克代價係每小時七千萬美元，極之不利美元價；如美軍撤走，伊拉克將分為南、北兩大陣營打內戰。伊拉克軍費負擔對依家已有巨 額財赤美國捱唔得幾耐，如布殊唔下令撤軍，2008年大選後新總統亦會下令撤軍。政治家都有宏願，如果有得揀寧可選一個懶惰政治家較一個勤力政治家 好。政治家太勤力，往往「朝七晚十一」地工作，變成事事插手，公眾人士就慘。美國前總統列根受歡迎理由便就因為佢懶，放手畀下屬去搞，自己坐享其成；克 林頓受歡迎理由就佢好色，浪費太多時間追女仔身上，政務不得不交畀下屬。我地前特首既不懶又不好色兼「勤政愛民」，結果港人差D畀佢害死！至於煲呔 曾，佢係虔誠天主教徒，天天去教堂祈禱佔去每天唔少時間，無法勤政愛民，港人反而得米。政治家愈唔做，對整個社會傷害便愈少！公司亦一樣，打工仔應該 勤力，公司才出色；老闆應該懶，公司才出色（懶唔代表唔領導！）；正因為老闆懶，員工才夠膽去幹，公司自然表現出色。
地區被標籤日益明顯
香港過去一直推行貧富混居政策，只有少數地區（例如半山區）係富人區，其餘地區既有豪宅亦有一般住宅，更有公屋及居屋，例如赤柱亦有居屋，銅鑼灣半山 區亦有麗德公屋。上述房屋政策係咪有助香港「和諧社會」發展？蘇屋同又一只係一街之隔，富人會否到蘇屋體驗窮人生活？有些地區例如美孚新，六、 七十年代係富人區，隨屋齡老化，富有家庭搬離，普通收入家庭遷入，經過三十多年搬出搬入，美孚新唔再係富人區了。內地地產發展，中國政府冇英國政府咁 深思熟慮，唔少大城市如北京、上海及廣州均已存在富人區。例如廣州二沙島、上海外灘一帶早已成為富有人家標籤，情況有如香港住半山區、九肚山、渣 甸山已唔使再講人家已知你係富有人家。
1997年7月回歸後香港貧富差距日益擴大，仇富心理愈演愈烈，豪宅動輒萬幾二萬元一呎，天水圍住宅呎價卻係一千七百大元，兩者差距達六倍到十二倍。 富人區如生意失敗（或投資失敗），好自然便賣樓套現遷出，位置由另一富人取代；窮人區做生意成功（或投資成功），亦好自然搬走，結果地區被標籤化日益 明顯，貧富分居現象愈來愈明顯。只要告訴別人你住邊區，別人立即猜到你係富有人家、中產階級或中下階層。D被標籤為富人區樓價便愈升愈高；成為窮人 區樓價想升都難。
香港或者應向美國政府學習，向窮人區提供更多公共服務，例如教育、圖書館、醫療設施、廉價購物商場等，令窮區公共設施不但唔比富人區差，反而更好（窮人更需要公共服務），取代過去港英政府時代貧富混居政策，或者有助仇富心態減少。
馬斯葛集團（136）、高信集團（007）停牌。
■國際娛樂（8118）、聯夢活力世界（8100）、才庫（8073）、上海青浦消防（8115）、上聲國際（8226）、矽感科技（8083）、屹 東電子（8249）、美麗寶（1179）11月14日；瑞源國際（476）21日；國泰航空（293）2007年3月7日公布業績。
沒有留言:
發佈留言