10月26日，周五。恒生創新高，升550.73，收30405.22；但成交1573億元，未能同時配合創新高，技術表現另一背馳。10月期指低水，升 530點，收30390點。市場人士相信下周三美國減息，因此大價地產股紛紛炒起，唔知下周呢種樂觀情緒能否抗散到二線地產股。信置（083）升13％， 見24.65元；新鴻基地產（016）升4％，見153.6元；和黃（013）升5.9％，見90.25元；其他如鷹君（041）、希慎（014）等股價 亦有不俗升幅。 反而大唐發展（991）回落2.9％，見8.95元；平安保險（2318）跌1.8％，見106.5元，JP摩根大通建議減持，睇滬深 A股受制於6000點阻力。
和記電訊（2332）跌5.9％，見10.66元，因佔19.2％第二大股東Orascom Telecom Holding希望全數出售手上一億四千三百四十萬股，收番15.7億元。
內地股市亦出現個別發展
今天滬深300指數一度下挫1.3％，最後升1.14％收市，全周下跌3.9％，係6月28日以來最大下跌一周（前八個月上升160％）。十七位分析 員中，有十六位估計人行短期內加息，一年存款利率由3.87厘加至4.14厘，因9月份七十個大城市樓價較去年同期上升8.9％，係有紀錄以來最大漲幅。 國航下挫4.1％、上海石化下挫3.1％、南方航空跌4％、東方航空跌6.7％；不過，招商銀行升4％、萬科漲4.9％、東風汽車升4.2％，即內地股市 亦出現個別發展。
油價美國政府對伊朗採取強硬態度後升上高位（但以歐羅計仍未升破去年高價），另一因素係1990至2000年世界對能源需求平均每年上升1.2％； 2000至06年卻上升到2％。美國1980年需要二點六桶石油去產生1000美元GDP，到2005年只需一點六桶。上述情況亦開始中國發生；不過，中 國人均耗油量只有九桶（美國五十九桶、歐洲二十五桶），隨中國人均收入以年率13％速度上升，未來對全球石油需求十分大。
次按問題持續困擾美國
美元價樓市放緩、油價上升中，全球對美元資產胃口亦下降；歐羅受美國次按影響開始受壓，產油國吸納下，令歐羅繼續獲得支持；日圓受8月次按危機影響 後，資金出口能力下降，價進入沉靜期；英鎊表現介乎歐羅與美元之間，隨英國樓市見頂，相信明年2月英鎊進入減息期；加元繼續強勁，受惠於油價上升，加元仲 有上升空間；澳元係商品貨幣，如美元減息，澳元仍可睇好；紐元吸引力則不及澳元。今時今日，仍可睇好貨幣為歐羅、澳元及加元。
畢非德認為，未來六個月、一年甚至兩年次按問題仍然困擾美國金融市場及損害美國人消費力；不過，美國經濟仍然向上。國會根據報告：估計到2009年仍有二百萬個次按物業被接管及令美國房屋市場失去710億美元財富，政府稅收減少9.17億美元。
標普五百銀行分類指數自2002年8月至今表現一直弱於大市，反映美國銀行業呢幾年都係弱勢股（連控〔005〕股價亦受影響）；反之，內地銀行自上市 至今大部分表現出色，又係另一明顯此消彼長現象。美國利率估計仲會減一到兩次（即回落到4.5厘或4.25厘），但自然係「正」利率（略高於美國CPI增 長率），唔似1991至93年減至3厘出現負利率。美國經濟正進入信貸擴張期完成後後遺症期，而中國GDP增長率可能由11.5％逐步放緩到8％，仍然處 於高增長期；當然中國亦有本身問題例如經濟過熱、股市O太高，但資金明顯流向中國。
相信下周三聯儲局哈囉喂日唔會搞鬼，眾望所歸下減息0.25厘。市場人士估計減息機會高達88％；同時相信今年內仲有一次減息機會。
工商銀行（1398）2007年7月至9月淨利息收入574.96億元人民幣，較2006年同期上升36.87％，手續費及佣金淨收入94.16億元 人民幣，上升135.5％，令第三季純利達224.63億元人民幣，升75.61％。該行宣布，斥資54.6億美元收購南非標準銀行20％，成為該行最大 股東。方法係由標準銀行以每股104.58南非蘭特發行10％新股，然後工行向舊有股東以每股136南非蘭特購入擴大股本後10％。該行1970年約翰內 斯堡上市。家係非洲最大銀行，分行一千零五十一家，遍布非洲十八個國家及歐洲、美洲、亞洲各主要金融中心。呢次收購有助中國拓展非洲業務（分析家指出，非 洲經濟亦步入起飛期），相信係成功走出去。
展望國進入高速成長期
2003年高盛證券提出金磚國（BRICs）概念，即巴西、俄羅斯、印度及中國係最具潛力經濟增長國，過去五年四大金磚國經濟不但快速發展，同時已出 現過熱。最近有人提出展望國（VISTA）概念，即越南、印尼、南非、土耳其和阿根廷將繼金磚國之後成為經濟新秀。阿根廷今年工業生產以年率8.8％速度 增長（8月份9.8％），最大產業係汽車製造業，但近年工資以年率20％速度上升（通脹率超過10％），阿根廷周日大選後相信會有新景象。
按日本學者門倉貴史講法，新興經濟國要具備五大條件：一、豐富天然資源；二、年輕勞動人口增長中；三、國內政經日漸穩定；四、積極引進外資；五、消費 人群在擴大中。過去金磚國有齊五大條件，令經濟進入高速成長期。依家展望國唔係具備所有條件，但最少具備其中四項條件，相信未來經濟亦可進入高速成長期。
金磚國及展望國做法同西方國家完全自由經濟唔同。政府整個經濟發展過程中擔任重建社會組織角色。呢D國家製造業時代皆呈現較好發展勢頭，一旦進入高端 產業及金融業便往往唔及西方國家，例如1997年亞洲金融風暴後唔少東南亞國家弱點盡露。有D中斷、有D曲折，令人質疑呢類由政府主導市場經濟模式可以承 受經濟危機能力有幾大？中國過去三十年經濟發展模式一如其他新興工業國，係由政府主導市場經濟模式發展起來，依家開始步入高端產業同金融業時代，過去發生 新興工業國問題會否中國重演？
七年前向大家推介大中華概念，今天卻開始為內地A股泡沫擔心。內地A股已進入嚴重超值（over-valued）境界；加上H股回歸及QDII，令內 地A股不但面對嚴重超值，同時面對資金流失（被H股回歸吸收資金及QDII引走資金）。唔單止咁，內地A股純利經過今年暴升後，明年純利升幅估計下降到 11％，即面臨高O卻冇高增長（G）支持局面。理論上，2008年A股O睇跌，令A股股價明年受壓。
中國人均收入翻兩番冇難度
除上述因素外，內地A股唔少係能源股及資源股，純利急升理由係石油及資源價格上升；唔少金融股純利上升理由係A股市場交投興旺帶來收益結果，呢類純利 係周期性。依家A股股價點解咁高？理由係市場流通量不足（free float太少），唔少國企股份仍由政府持有及25％香港H股上市造成。內地A股流通量一向偏低，支持A股股價極高水平另一因素係供求唔平衡。隨H股大量 回歸A股及大量QDII基金推出，內地資金有正常出路後，A股明年會點？換言之，依家A股如非見頂，相信亦離頂不遠矣。七隻肥牛的故事又內地A股市場出 現。
國家統計局發言人李曉超話，2007到2020年只要中國人均收入保持年增長率5.4％，中國人均收入由2000到2020年再翻兩番冇乜困難。 2000年中國人均收入7858元人民幣，到2006年已達16084元，即過去六年已完成翻兩番要求42.3％；另一方面，中國人均收入已進入2000 美元以上時期，亦即風險較大期。
中國第二次高收入人群個稅申報工作已定於明年1月1日開始啟動，股民炒股收入亦於明年首次納入個稅申報範圍。計算得失只計2007年內賣出股票盈虧， 未賣者唔計算賬面盈虧。家只係先行申報，如何徵繳尚未確定。法定申報期2008年1月1日至3月31日，所有一年內工資、薪金、紅利等合計12萬元以上納 稅人，都要自行申報或委託稅務代理中介機構辦理納稅申報。如果唔申報罰款2000元以下，情況嚴重者罰款2000元以上、1萬元以下。
內地可再生能源發展速
「國家中長期科學和技術發展規劃綱要」指出，可再生能源到2020年將佔中國能源消費中比重達16％，其中最被睇好係風力發電，但裝機容量只佔中國可 利用風力資源0.1％，估計到2020年將超過核電成為中國第三大發電形式，2006到2015年呢方面投資達1000億元人民幣以上。其次係太陽能發 電，依家多晶矽太陽能電池不具備競爭優勢；隨太陽能電池轉換效率提升及更先進矽片切割技術出現，令多晶矽售價下降，唔排除2008或09年重新進入黃金發 展期。另外，醇醚燃料尤其係二甲醚係替代LPG最優選擇，只要石油價格企於35美元以上，此一市場發展空間好大，例如煤液化或煤製醇醚燃料已有競爭優勢； 仲有稈變氣技術，農作物稈、穀殼等缺氧狀態下燃燒產生混合燃氣，可直接通過管道輸送畀千家萬戶使用；只要有一百七十公斤稈，所產生燃氣足夠鄉村幾百戶使 用，總投入資本約150萬元。中國科學技術促進研究中心表示，已將上述技術向全國農村推行並由國家提供補貼，凡採用稈燃氣用具者，國家每具用具補貼100 至500元不等。上述技術除解決能源問題外，亦可美化環境及可持續發展。
2006年中央政府為支持三農資金共3397億元，平均每個中國農民腰包多300塊錢，2007年再增加到3917億元，中國開始新農村建設運動。 1970年南韓情況同依家中國十分相似，城鄉收入極唔平衡，政府啟動新農村建設運動後，1980年兩者差距逐漸拉近，估計十年後中國情況亦接近。消除兩者 收入差距可減少大量農民湧入城市，間接亦解決城市過分擠逼問題。
信置深圳舉行尊尚豪宅系列巡禮，聯席董事鍾少權及助理總經理劉貴玉話，未來十二到十五個月信和準備200億元內地拿地。內地將係信和主戰場，至於邊個 城市？佢地話城市唔重要，地塊好才重要。例如7月份成都及重慶就分別投入41億元市場拍地，重慶塊樓面地價達3000多元一平方米，重慶算貴啦。信置深 圳、廣州、上海、成都、重慶都有投資。未來本港地產公司全國各地都有投資趨勢愈來愈明顯，已唔局限邊個城市。
報紙廣告市場重新分布
2007年首九個月電視廣播（511）廣告收入上升0.5％、亞視上升3.2％、有線減少6.9％、now上升46.5％（因基數細）。亞視有新股東 入股及now加強新聞台後，估計未來所佔廣告收入進一步上升。2008年有奧運，估計本港整體電視廣告支出上升5％，電視廣播市場佔有率已達60％，面對 多間電視台競爭下，能否進一步擴大市場佔有率令人存疑，現水平股價唔見得特別吸引。
報紙情況好D。自2006年6月白報紙跌價至今，已回落14％，令經營成本下降；加上2007年銀行及金融業廣告支出大增，令報紙收益上升，但同業間 競爭進一步激烈，例如《英文虎報》已轉為免費派發，《新報》亦有咁打算，令綜合性報紙盈利受壓，財經性報紙受惠；明年港股直通車落實，相信都係咁。
此外，另一趨勢係財經性報紙讀者屬於高消費階層，結果搶走綜合性報紙消費性廣告（例如名牌、房地產、名表及汽車等廣告），令報紙廣告市場出現重新分布。
沒有留言:
發佈留言