中國面對七隻肥牛

　　5月10日，周四。恒生指數跌98.51，收20746.27；成交六百零五億三千一百多萬元。5月期指低水，跌93點，收20629點。美麗寶 （1179）再升8.8％，見十一元八角四仙；東方航空（670）升14％，見三元一角九仙，《中國證券報》報道東航將出售部分股權畀新加坡航空。華置 （127）升3.7％，見十一元七角二仙後宣布停牌；綠城中國（3900）升3.7％，見十五元七角後停牌；江西銅業（358）升2.1％，見十一元六角 二仙；香格里拉（069）升3.2％，見二十一元，公司計劃收購紐約一間酒店26％權益。

　　國美電器（493）首季獲利一億六千九百二十萬元，較去年同期升75％；盈科保險（065）首季獲利一億零七百五十萬元，升4.87％。

A股投資者較估計謹慎

　　深交所發現，截至今年3月止有三百四十萬股民開鰦A股賬戶後並冇買賣股票，佔新開戶人數80％。睇鈬A股投資者鮋謹慎程度較一般人估計要強烈好多；至今年3月止深交所個人投資者數目一千一百二十一萬戶。

　　高盛認為，中國股市已面臨調整，以美元計，今年已升鰦85％，昨天成交額佔整個亞洲市場一半；O四十二倍，亦係全球最貴鮋股指，MSCI亞太指數O只 有十九倍。過去兩年負利率存款及提高房地產稅項，令中國十七萬二千億元人民幣存款有部分進入股市。如加快人民幣升值及加息，可引發內地A股出現較大調整幅 度。

　　5月8日國家發改委公布一百六十種藥品價格調整後，據悉呢次係最後一次集中大規模降價，日後只會微調，再唔會大規模調整。去年開始一千五百種藥物分七次進行調整，往後將按市場需求而作微調，即藥品價格改革基本上完成。

　　2001年1月起美國聯儲局鮋擴張貨幣政策，令2003年全球經濟復甦。去年底美國股市總值二十萬六千億美元，已相等於美國所有住宅鮋市值，只要今年股市繼續上升，將可抵銷美國樓市調整鮋影響。

　　印度、中國、東歐甚至南美洲國家投入生產，令全球工業產品甚至天然資源自1980年起由供應不足進入供應過剩，雖然2001年起天然資源因過去二十年 缺乏投資而出現供應不足，但到今年相信大致上已供求平衡。全球超過三十億人口投入生產，供應只有八億人口鮋OECD國家，此乃OECD國家CPI漲唔起來 之底因。

A股進入三而衰階段

　　今年美國除房地產呢個行業外，其他方面都OK。最高收入階層獲4.6％減稅及資產增值稅減五個基點，令今年美股保持暢旺，可抵銷樓價下調鮋影響，令今年美國經濟唔太熱亦唔太冷。

　　1985至94年十年日圓狂升，未刺激美國CPI加快上升（當時日本仍係美國入口消費品鮋最大供應國）。所以2005年7月起人民幣升值，應該唔會刺 激美國CPI大幅上升，咁美國亦毋須進一步加息去壓抑通脹，依家息率五厘二五，相信繼續維持機會最大。中國來自出口所產生鮋外貿盈餘，令人民幣供應量以年 率17％速度上升，自然導致資產升值；加上中國人做乜都一窩蜂，好快便形成泡沫。中國人將30％收入用於儲蓄，但銀行只願畀二厘息佢地，而中國CPI升幅 係3％而資金流入樓市卻受政府打壓，所以去年紛紛流入股市，令A股指數上升130％，今年再升50％。周小川勸投資者小心泡沫，你信唔信仲有聽眾？情況一 如1990至97年港人面對負利率壓力（存款利率低於CPI增長率），資金湧入樓市及股市，當年港英政府唔係一再叫人唔好炒樓咩？港人經歷過七隻肥牛後， 走鈬六隻瘦牛食掉七隻肥牛（唔少人因此變成負資產），從此香港社會財富分配兩極化。中國2001年面對七隻肥牛，最後結果會否一如香港（財富分配兩極 化）？誰都阻止唔到。

　　當上升趨勢形成之時一如尋金熱，人人希望分一杯羹，愈來愈多人加入直至形成狂潮，真正執到金者唔多。當泡沫初現之時，不但唔會爆破，反而會愈吹愈大。 以滬深A股為例，2005年6月至去年6月係合理上升期，鰠1500點進入整固；2006年8月因樓市受政府打壓，資金轉移去股市，指數由1200點升至 2007年1月2400點，開始形成泡沫；2007年2月進入最後上升期，指數由2200點起上升至家纒係3700點。去到邊個水平才耗盡所有購買力？事 後才知道。但A股已進入「三而衰」鮋階段，一旦調整幅度唔細，參與者宜用止蝕沽盤保護自己。依家A股高點3717點，止蝕位應訂鰠3345點（較高點低 10％），如此類推。泡沫通常進入第三潮才會爆破，太早預測泡沫爆破鮋所謂專家，可能自己未經歷過1971至73年香港股市或1987至89年12月日經 平均指數鮋表現，即係冇實戰經驗，結果有如「狼來了」故事（因講得多而冇人信）。反之，由今天起各位真係要提高警覺，不過相信對港股影響有限。

貝理雅係好首相

　　粵語殘片通常大團圓結局，因為大部分人都希望大團圓結局。現實生活往往相反，尤其係泡沫經濟，十之八九無法大團圓結局。理由係當你賺到一百萬元之時， 必然萬丈雄心欲賺一千萬元；賺到一千萬元之時，又想賺一億元……。人鮋欲望永無止境，直到失敗為止。見好即收鮋人永遠唔會破產。點樣控制自己鮋無窮欲望係 一門學問。投資市場牛熊之爭永無止境，投資股票永遠係藝術成分大於科學，亦永遠無法準確預測。股市經過2月拋售後，3、4月又再陽光普照，5月又點？以技 術分析已經嚴重超買，出現調整亦正常。此乃人人皆懂鮋分析，人人皆懂代表上述分析唔值錢，值錢鮋分析係搵出別人鮋忽略之處。

　　今天世界經濟增長動力唔單止鈬自金磚四國（BRIC），而係金磚四國加中東（ME），簡寫係BRIC+ME。過去七年油價上升，令ME擁有大量油元， 到處搵投資對象，所到之處資產無一不升，何況聯儲局第十七次維持利率不變。歐洲央行同英倫銀行周四開會，歐羅利率維持三厘七五，英鎊加息零點二五厘，至五 厘半，略高於美元利率，吸引資金流向英鎊。英鎊利率係2001年4月至今最高，所有六十一位分析員皆估計今天加息，至於會否加至五厘七五？亦有四十三位分 析員認為會。依家英鎊利率係G7中最高，英國通脹率能否由3.1％（1997年以來最高）重返目標通脹率2％？今次係去年8月起英鎊第四次加息，但係無法 阻止英國樓價上升；今年4月英國樓價升鰦10.9％。

　　貝理雅上台後，將加╱減息鮋權交畀英倫銀行，任內十年通脹率係戰後任何十年最低，並出現連續四十季經濟增長，失業率亦保持偏低。現年五十四歲鮋貝理雅 係英國近百年內在位最長鮋一位首相，連續三屆獲連任，今年6月27日下台，我老曹一定懷念佢（佢任內令我老曹鮋倫敦樓賺唔少）。而佢鰠任內最錯鮋決定應該 係出兵伊拉克，亦係令佢今年下台鮋理由，不過佢真係一位好首相。

今年投資中短線為主

　　今年投資策略係利用相對便宜鮋價錢吸納有機會上升鮋股份。今年以中短線為主，唔做長線投資。今天大量分析員每天都牛咁眼為投資者搵投資項目，股市分析 已成為一門競爭極之激烈鮋行業，要表現出色過人唔係話咁易。過去常用鮋技巧例如炒概念、炒影子股、炒行業盛衰、炒被收購對象……已成為入行ABC（無人不 懂、無人不識）。1997年起走出香港搵食，今天人家更青出於藍，因為別人對外國事物較我老曹呢個少出門鮋秀才了解更多。2002年起我老曹強調中國概 念，別人亦較自己更勇。到今年，我老曹真係有D江郎才盡鮋感覺。

　　中國實施改革開放政策，加上全球經濟環球化，全球財富出現轉移，就係由OECD國家轉到新興工業國。中國去年GDP已有二萬億美元，略超英國，世界排名第四；估計五年內將超過德國，三十年內超過日本，達到世界排名第二（但人均收入仲有距離）。

　　中國房產專家認為，內地房價今年基本趨勢仍係向上。例如上海完成調整後，3月起又再向上；北京5月開始下調，如此類推。威格斯董事總經理孫偉璋估計，今年上海樓價可升10％，租金則升5％。

　　2004年雅典舉辦奧運，1995至2002年雅典房價出現七年上漲，升幅65％；奧運設施周邊地區房價升幅110％。希臘人口一千一百萬，私房擁有 率高達80％以上，需要買新屋鮋人唔多，主要因主辦奧運，外資流入而推高房價。奧運村鰠雅典西北郊外一片無人地帶，既冇任何公共交通工具連接，配套設施亦 唔完善，甚至冇學校、購物商場，更講唔上公共娛樂設施，形成奧運村三千多套商住房粛奧運結束後賣唔出，售價由最初二千歐羅一平方米跌至依家一千歐羅，但入 住率不足10％；反之，雅典市區內2004年至今變化唔大，過去兩年只回落10％左右。

　　悉尼主辦2000年奧運，樓價由1993年開始以每年10％速度上升，一直升至2004年年初，最近兩年樓價才回落8％左右。不過，奧運村內一樣空蕩蕩，雜草叢生，空置率非常高。2000年後澳洲物業仍能上升多四年，相信同天然資源價格上升有關。

　　美國亞特蘭大主辦1996年奧運，1993至95年亞特蘭大房價只上升19％（全美上升13％）。奧運之後大量亞裔美國人遷入居住，樓價繼續上升。

　　2008年北京舉辦奧運，未來北京樓價又點？

　　陳水扁上台七年，令台灣股市成為全球表現最差鮋股市之一，2008年任期完結，係咪有機？以美元計，2000年5月20日阿扁上台至今，台灣加權指數回落18.5％，同期MSCI指數上升32％，部分理由係台灣指數科技股佔比重57％。

　　家纒台灣股市O十七點三倍，明年會否因阿扁下台而上升？

　　環球工程（8192）、華人置業（127）、綠城中國（3900）、軟迅科技（8182及8373）、東成控股（735）、嘉進投資（310）停牌。

　　■新焦點（360）5月16日；環新國際（502）17日；先施錶行（444）22日公布業績。