5月17日，周四。恒生指數升57.35、收20994.61；成交六百二十四億八千三百多萬元。5月期指升50點，收20970點。富士康（2038） 升12％，見三十七元二角，因高盛證券推介；長江實業（001）升2.4％，見一百零七元九角，因李實發增持至39.29％；AAC （2018）升0.72％，見七元九角九仙；金威啤酒（124）跌2.2％，見三元一角八仙，因公司宣布供股集資七億六千七百萬元；騰訊（700）升 3.4％，見三十一元七角五仙，因今年首季純利升16％。
內地居民私下炒港股熱潮逐漸高漲，唔少本港證券商已喺內地招攬客戶，只係五一黃金周來香港開戶者佔唔少證券商開戶人數40％以上。佢地最有興趣吸納H 股，係近日北人印刷（187）、東方航空（670）、熊貓電子（553）等股價急升嘅理由。唔少內地人沽出A股後，眼見A股急升又唔敢番追，索性來港購入 同類H股。
今天滬深300指數收3778.6，已超過5月14日高點。《證券時報》報道，內地可能批准紅籌股回國發行A股！繼自由行之後，本港金融業亦有賴內地人來港投資，將進一步推高後市股價。
恒指O仍處合理水平
今年分析界普遍態度係略為偏淡，忽略喺港元存款只有三厘環境下，一般人對投資嘅需要。以三厘息計，存款回報要三十三年才本利和；反之，恒生指數平均O 十六倍，即十六年便本利和，你話邊種吸引？股票有回落風險（例如1997至98年及2000至03年）；不過，喺存款回報率要三十三年才本利和嘅今天，股 票十六年便可本利和嘅環境下，股市大跌機會唔大，除非利率由三厘升上六厘，即存款回報率由三十三年本利和升至十六年，才令恒指十六倍O失去吸引力；各位對 利率後市點睇？未來一年加息抑或減息？剔除1973至74年非常時期唔計，恒生指數平均O八倍到十二倍係偏低期，十二倍到十六倍係合理期，十六倍到二十二 倍係偏高期；從歷史角度睇，現水平恒指O仍喺合理水平。
今天香港投資者人數一百萬人，而內地已接近一億，或遲或早內地投資者可獲准投資港股，因此未來恒指平均O低於十二倍機會唔大；另一方面， 2003年4月至今牛市已四年，的確要小心謹慎，但唔使日日呱呱叫天要塌下來，而喺係投資策略上保守DD已足夠，例如利用止蝕盤保護既得利潤。
仲量聯行發布中國新興城市30強報告，極力推薦五年內值得投資嘅城市，包括蘇州、天津、杭州、成都及大連，成為重點推介城市。
仲量聯行喺全國六百六十個城市中選出三十個最有發展潛力二三線城市，再喺其中選出五大。其他可睇好城市有南京、武漢、青島、瀋陽、東莞、廈門、西安、 哈爾濱、福州、無錫、濟南、鄭州、長春及長沙、昆明、南寧、南昌、合肥及常州。今年首季瀋陽房價升6.4％，其中新建住宅升7.1％，較全國平均數 5.6％為高。
新加坡遠東機構聯合美華置業集團喺上海花園飯店舉行新加坡房產投資推介會。面積由四十五平方米到四百五十平方米，售價五百萬元人民幣到五千萬元人民幣，吸引上海投資者購買。
盛傳深圳6月1日起二手房交易強徵個稅引發5月份交投熱烈。深圳大學國際金融研究所所長周世平認為，深圳房價已步入高風險區，依家宜賣不宜買。
廣州市委書記朱小丹接受記者專訪時話，去年廣州GDP突破六千億元人民幣，較2001年接近翻一番，依家外來流動人口達三百九十九萬，形成住房壓力。
雅居樂（3383）從三百多平方米嘅廣州雅居樂花園，到超大型三千畝生態新城市中心訊茵新城；從去年以十四億九千五百萬元奪得南京地王至今，土地儲備 已超過二千二百萬平方米。1992年從中山開始嘅雅居樂，今天業務分布廣州、上海、南京、成都、重慶、西安、海南等十多個城市，供應物業包括低密度住宅至 商務大樓。去年購入十五幅土地共九百三十萬平方米，雅居樂已由一個城市地產公司走向全中國發展，並且證明成功。
液晶電視市場競爭加劇
創維（751）一款三十七吋液晶電視喺內地賣八千元，平板電視再以超低價出售，睇嚟液晶電視減價戰十分激烈。TCL多媒體（1070）低價供股集資再戰液晶電視市場，將令未來戰況進一步加劇。
隨着中國市場愈來愈開放，香港企業面對一個十三億人口嘅市場（或內地來港上市企業、服務一個十三億人口市場），進一步推高恒指O，例如未來响 O十六倍到二十二倍上落機會存在；不過，此乃後話。回歸十年香港金融業由過去服務本港逐漸變成服務中國，上市公司五花八門，單憑睇好睇淡大市已經唔足夠， 必須深入了解各行各業。呢幾年內地製造業面對激烈競爭下邊際利潤收窄，O應睇跌；反之，服務業面對大市場，發展空間極大O不妨慷慨點。中國類似八十年代嘅 香港，正逐步由製造業主導轉為內部消費主導，响轉型過程中正是危機處處同時商機處處。喺投資過程中面對挫折難免，若因此而養成負面性格日後你幾難成功，經 常提醒自己要正面思考問題（positive thinking），凡事向好一面想，因人生充滿希望。今時今日謹慎必須，但唔好將謹慎同負面性格混為一談。
「收入」、「投資」加「止蝕」只要運用得宜，便可帶來豐富嘅收穫。上述已係老掉大牙嘅智慧，例如每年令資本增值10％、三十年後本利和係十七倍，如每 年資本增值20％、三十年後本利和係二百三十七倍。每年賺取投資回報10％到20％唔算難，問題係如何避過蝕大錢機會。1990至97年我老曹賺錢速度不 及別人快，但因為避過1997年跌市，响過去十年中仍能保持資本每年增值10％或以上，今天回望好多1997年前賺得較我老曹快嘅朋友反而唔及我老曹，只 因1997年後佢地唔肯止蝕。
各位認識Walter B. Wriston咩？第二次世界大戰後佢加入一間叫做First National City Bank，喺審計部做督察員，1968年被提升做該銀行嘅CEO，故事唔係就此結束而係剛開始。戰後佢跑到日本及東南亞國家要求呢D國家政府協助佢找尋戰 爭中失蹤嘅美軍，而睇到遠東區嘅遠景。佢喺任內把First National City Bank由美國本土銀行發展成為跨國銀行，就係今天嘅花旗銀行。任內不但將花旗嘅ATM全球化（即喺全球大部分國家都可提款），亦令花旗銀行嘅信用卡喺全 球通行，佢甚至發明各國貨幣公司發行存款證及推廣歐洲美元貸款業務、資助歐洲公司而發現北海油田，最後令花旗銀行成為全球最成功銀行。佢嘅名言：「資本流 向受歡迎地區及留喺回報率好嘅項目！」1968年當人人睇好美國時，佢卻由美國走向全世界，令第一國民銀行變成今天嘅花旗銀行。九十年代開始香港嘅滙控 （005）主席，亦帶領滙豐由香港走向全球而成為今天環球十大銀行之一；佢地憑嘅係遠見。今天中國境內銀行根本上唔使學花旗銀行或滙豐銀行走出美國同香 港，因為中國本土已有十三億人口，未來二十年到三十年中國人對銀行服務需求十分大，香港人口七百萬已擁有千多萬張信用卡，中國人口十三億，未來信用卡市場 有多大？ATM需求有幾多？理財服務需求有幾大？
未來中國經濟一片繁榮
新加坡去年GDP一千零七十億美元，已超過紐西蘭嘅九百八十七億美元；香港GDP一千七百億美元，超過葡萄牙GDP一千六百八十億美元。未來深圳及上 海GDP會否超過一個國家？新加坡同香港最貴重資產係乜嘢？答案係土地。新加坡同香港最多係乜嘢？答案係高樓大廈。今天深圳同上海高樓大廈林立，未來中國 有幾多個城市一樣高樓大廈林立？今天香港正在建設一幢二百層高嘅商住大廈，較美國帝國大廈高出一倍；上海亦一樣，咁請問要幾多鋼筋同水泥？如果有一天中國 七十個大城市人均收入同新加坡及香港接近，中國經濟有幾咁繁榮？
1979年人人怕咗英國，因為英國政府態度係唔歡迎資本家；戴卓爾夫人上台至今三十年，英國已成為全球最善待外國投資者國家之一，今年英國經濟仍欣欣 向榮。1978年中國政府開始歡迎外國資本家，近三十年中國經濟起飛；近年越南政府亦歡迎資本家，甚至馬來西亞政府亦採取歡迎外資政策……。去年德國 GDP高增長、今年法國政府態度亦在改變中！成功嘅經濟有賴政府對資本家態度友善、鼓勵人民冒險精神同時喺投資策略上不失謹慎，如此一來，大量新企業被創 造出來，令投資呢D企業嘅投資者可賺取驚人利潤。
一般人開始時都要靠打工賺錢，此乃人生第一步以收入為主。漸漸手上有個錢便應學投資，即係學識錢搵錢，最高境界係學Walter B. Wriston將一間美國本土銀行變成環球銀行，而為投資者帶來驚人財富；或如1990年滙豐銀行由一間香港本土銀行轉化成橫跨歐、亞、美三大洲銀行，為 投資者帶來驚人財富，上述叫做企業精神。
要賺錢首先要解放思想
要賺錢首先解放你嘅思想，不應墨守成規、敢教日月換新天，而非停留喺業餘分析員水平。Joseph Schumpeter名句：「創造中嘅破壞」；舊嘅東西、規則，遲早被新嘅東西、守則所取代。經濟發展往往係一邊破壞一邊創造。逃避破壞時所帶來嘅損失唯 一方法係止蝕，讓創造帶來驚人財富方法係唔止賺。三十年前中美貿易量少得可憐，1979年起以平均年率20.2％速度上升，去年貿易量係1979年一百四 十四倍。美國雖然一再強調貿易逆差，但過去二十八年美國喺中國投資項目多達五萬二千八百八十七項，投入資金五百四十七億美元。2005年喺中國出售美國公 司產品達六百一十一億美元及出口美國公司產品四百七十六億美元，即美國公司2005年喺中國所做嘅生意額超過一千億美元，賺咗唔少錢。中國廉價產品出口到 美國令美國消費者每年節省支出幾多？只係2004年已達一千億美元。過去三十年中美貿易係互補而非競爭性。再以就業為例，1996至2005年中國產品輸 美，令美國製造業失去三百萬個職位，同時喺服務業產生一千五百萬個職位。人民幣升值對改善美國貿赤冇乜幫助，因為美國出口產品以科學及技術產品為主，不因 美元滙價回落而刺激出口。人民幣升值美國只會喺其他國家尋求更廉價產品入口（例如印度），無助美國製造業。
印度1947年獨立，過去五十年喺基建上投資唔大。過去四年GDP年增長率達8.5％，令殘破嘅基建不勝負荷，估計未來五年印度需三千二百億美元去改 善基建。今天印度超級公路只佔全國二百一十萬公里公路其中2％，卻承擔印度80％貨運量。今天喺印度港口上落貨需時八十五小時（香港只需九小時），此乃印 度製造業落後理由；再加上電力不足及勞工法例缺乏彈性，令印度二億五千萬貧窮人口只有做小販維生，不似中國來自農村人口湧入城市加入製造業，反而印度農村 人口湧入大城市去做小販。要改善呢點印度政府必需大力投資基建，建立工廠去吸收二億五千萬貧窮人口嘅生產力，而非畀佢地做小販。
隨着印度基建日漸改善廉價勞動力（較中國便宜50％），將搶走部分中國廉價勞工製造業，令中國製造業工資無法大幅上升。 2005、06年澳門賭場 表現不俗，踏入今年卻喺度洩緊氣，因為賭客增長速度唔及賭場快。隨着賭場愈開愈多，每張賭枱收益開始下降；睇嚟澳門賭場股吸引力在下降中。
退休時富有或貧窮由以下幾點決定：
一、少壯不努力、老大圖傷悲。神奇嘅複利；二十一歲開始為退休努力，每一元投資以每年升增值10％計，六十歲退休時可擴大四十五倍；反之，四十一歲才開始，只能擴大六點七倍，因此任何退休計劃愈早開始愈好。
二、只曉儲錢唔識理財。1970年開始儲錢，到今年又有幾多吖？反之，1970年起投資股票，恒生指數由100點升至21000點，上升二百一十倍，樓價由一百元一呎升至六千元，上升六十倍。
三、利用信用卡貸款去消費係大部分人嘅致命傷，因為信用卡貸款利率高達二十六厘。
四、樓愈買愈大把資金全放响住宅上。1967至97年可能正確，但1997年至今係唔正確嘅，因為樓價可升可跌。把資金過分投入住宅而非學習投資理財，係近十年內唔少人犯嘅嚴重錯誤。
五、忽視保險優點。往往一場大病令全盤投資計劃散晒，又或者一次汽車意外，因此良好的退休計劃應包括保險在內。
及早糾正以上五大錯誤，保證你退休時富有。
神州奧美網絡（8206）、環球實業科技（8091）、珠江船務（560）、德信科技集團（1228）、中國豐達（8220）停牌。
■南方國際（1176）5月28日；先施（244）6月21日公布業績。
沒有留言:
發佈留言