7月14日，周五。恒指今周跌324.07，收16135.71。好一個施丹，果然厲害 過彭丹、十靈丹、保嬰丹，揀正榮休當晚，於全球二三十億對金睛火眼目擊下，使出苦練多年的無敵鐵頭功（學名又叫利物浦頂撞〔Liverpool Kiss〕，至於何解不叫離乜譜頂撞、暴力般頂撞、阿癲佬頂撞之類，木宰羊），情節好比《少林足球》，證明大師兄已經歸位。當施丹用愛心頭槌向馬特拉斯肺 部頂下去，而老馬竟好似被一輛五噸半黑過墨斗的密斗車撞開九里外時，我小曹就開始感到，世上有太多估你唔到出人意表之事，就好似番薯梁居然有哥利純粹以私 人名義分期付款供電盈（008）二十三巴仙股權，睇怕《古靈精怪東南亞》就快可以開拍新版矣。而當財經界單身大長今亦居然肯應承同我小曹共度周末促膝長 談，就足以證明睇波經歷仍滯留在比利同李維連奴年代的佘當奴講得冇錯，波，果然係圓（順帶一提，佘當奴謂第一夫人半夜一點睇世盃決賽直播嘈醒佢，恐怕不是 當奴嫂擺烏龍，就是佘當奴開始有些少似老懵懂，事關開波時間應是兩點也）。
任何投資項目，首要工作都是先做好研究，評估投資價值同埋究竟適合長、中或短線持有。DV大長今，「謊」齡二十三，出身中產再過些少，爹地是赤手空拳 打入小台灣搏老命的廠佬，媽咪是搽脂蕩粉拎住大支票博影相的總理。佢屬於浸過鹹水的海歸派（是貨真價實的海龜，而非由掃把頭變成地拖頭的葉碩士，葉碩士只 能算是水魚），在大不列顛五星級的家庭式大學雙修經濟法律，常以高貴Deep V示人，購物多去Joyce（647）同city'super，少落莎莎（178）同優之良品；我小曹給予DV大長今的初始投資評級為「買入」，潛在風險 為市場競爭對手太多，面部肌膚折舊速度過快，以及年度資本開支同現金流入不相稱，即入不敷支也。
為準備今次個date，我小曹似足十日十夜未洗頭，相當頭痕，事關要襯得起尊貴的DV大長今，必先好好裝身。況且佢貴為千金小姐，總要獱車管接管送， 先至顯得揩卡士同有派頭，最好可以同佢出海吹吹風，盡顯遊艇男風範。不過，以上種種所費不菲；正當我小曹抓頭抓到成個膊頭鋪上頭皮之際，好彩醒起公仔箱一 個廣告，正是宣傳安信大情人貸款，男主角既搞燭光晚餐，又送上幾卡火水鑽，再搵座白色三角鋼琴扮李雲迪，更在沙灘上騎牛精福星，雖則廣告內容幾無聊無謂無 厘頭，但卻讓我小曹頭頂叮出一個卡通燈膽，就是凡事都可以借，毋須下下真金白銀去買，正如番薯梁以九十二億元買電盈都毋須現兜兜拎茄殊，只不過是向李察李 借蚊年搞所謂賣家融資（vendor financing）；於是乎，我小曹一於秉承番薯梁買電盈的精神，一字記之曰：借，去實現這個曹超人強戰回歸改造計劃。
雖則佘當奴呼籲你的高薪公僕夏日輕裝（順帶一提，聽講夏日輕裝計劃由許凍凍吹雞，事關佢人如其名，出名怕凍，所以希望屙佛時溫度可保持在攝氏二十五度 半，跟手就叫公僕少覑老西同套裝），唔使下下打煲呔返工，但所謂人靠衣裝佛靠金裝大耳窿靠冇天裝，我小曹為鰦好似佘當奴尊重垃圾會一樣尊重DV大長今，所 以決定悉心打扮。但打開衣櫃先發覺，裏頭雖有眾多返工西裝衫褲鞋襪，但卻缺少一套出得禮賓府、入得Gaddi's的醒目踢死兔，於是撥個輪到禮服店e- Rave問個價。店員話我小曹知，一套踢死兔最低消費約六千元，製作需時兩三個禮拜。若是短線用家，大可幫襯四日三夜租借服務，盛惠一千六百元，再加一個 煲呔，絕對大方兼老實，成交！
學準傳媒大亨獱奧迪A6
既然借到一套踢死兔，實在冇理由學佘當奴放下身段，覑住佢同巴士阿叔迫68X，更冇可能大熱天時搭「11號」，學香港涼心拎住把風扇仔見步行步，所以 當然要有一部揩卡士座駕先至似模似樣。雖則我小曹想租一架法拉利或者波子過一過超級跑車癮，但問過各大租車公司，服務員都話租法拉利西人國就有，H埠就聞 所未聞。較具規模的大昌行，服務員就話旗下最貴型號為奧迪A6，未包油費日租一千六百元，可獱足四日三夜。雖則奧迪卡士未及法拉利，但我小曹記得早年狗仔 隊發現李察李都是獱奧迪A6之後，IT界就再冇人唔識A6，加上謝檸檬亦曾將部A6泊在跑馬仔電車總站特登阻住地球轉以示少爺威威，如此這般就令奧迪市佔 率追貼過奔馳同寶馬，而奧迪亦成為成功人士另類選擇同吹嘜。正當我小曹想扑槌租輛奧迪之際，服務員忽然話如果租用奔馳房車連司機，雙鐘連代支只需六百四十 元，而且司機識得兩文三語，推廣職業英語推到同個空中姐姐好好相與的田二少就最乃奇。
天時暑熱，至適合同DV大長今出海晒天然太陽燈，順便發揮守望相助暈浪相扶持的精神，互相為對方搽確不同，於是又想到租遊艇。記得茶客甲講過，黃金海 岸遊艇會內有艘「黃金一號」出租畀尊貴會員享用，船身長五十八呎，可容納三十個大人（小人點計，木宰羊），大可邀請DV大長今的親朋戚友以至得成女傭上船 等佢威過威路氏，而包埋燃油附加費，每粒鐘時租一千五百元，最少租四粒鐘，頂得住！之不過，要做遊艇會會員，入會費盛惠二十一萬八千元，實在有違經濟原 則，所以我小曹一於撥個輪到專搞旅行團同租遊艇的發達行問問；接線那位服務員聲氣粗過牛筋粗，不斷強調禮拜日租金差不多是禮拜六的一倍，令平時安息日都要 返工的小曹諗起點解安息日冇雙工呢個嚴肅過開策發會的課題；服務員又話近日船期排得密過密底算盤，一副「生意唔憂做」嘴臉，睇怕佢一定並非演藝院士華仔番 士。言歸正傳，在禮拜日租一艘十人以下遊艇索價六千五百元，禮拜六就收三千八百元，西貢登船，逾時不候，未能食素，只能食風。茶客甲忠告小曹，時值夏季， 西貢海上交通拍得住龍尾排在稅務大樓的告士打道，遊客蜂擁前往果州群島及大浪灣，要遠離人煙同DV大長今遊歷無人之境尋幽探勝，玩You jump, I jump或者I'm flying，絕對唔衣時。
於是乎，我小曹諗到，不如搞搞升空之旅，情深款款對住DV大長今唱「如果，走到這世界邊端，我倆已是無力前行，跟我一起飛去」，照計，DV大長今有聽 及此，都會感動到跟手唱「在半空之中親你，不管身世」吧，哈哈……。據講飛行總會有得租小型飛機，雖則飛一轉只需約莫二千元，但最大問題是租客只限持有機 師牌照會員，況且考個飛機牌照大約要使十萬元，遠水始終不能救近火。雖則我小曹冇辦法臨急臨忙搵一架小型飛機，但好在同李察李一樣，都有幸得到爹地長期幕 後支持同祝福，相信包一架直升機並非難事。Heli Express那邊廂報價，租一架直升機花費二萬零四十五元，但只限由H埠飛往梳打埠，全程只需十多分鐘，計落又不太符合經濟偏實蒲。
思前想後，左計右計，曹超人強戰回歸改造計劃實在相當重皮。況且，若然DV大長今列入我小曹第一個五年計劃的話，到2011年，我的年度開支將較目前 翻一番，而儲蓄戶口銀碼將按年下降二十三巴仙；這五年間，衫褲鞋襪、砵砵車，甚至遊艇將成為重點投資項目，甚至會出現投資過熱情況，形成泡沫以至搞到我小 曹成口白泡沬。由於投資市場波動，為免我小曹的經濟狀況會硬覑陸，因此而下調DV大長今的投資評級。實情是，我小曹至怕最終同DV大長今的關係會變成家計 會新版宣傳歌，就是「兩個就夠晒躁！兩個就夠晒躁！追到也好，拉倒也好，兩個已經夠晒躁！」。
斷背gym梗有一間鰠左近
自從李大導發表「每個人心中都有一座斷背山」此豪情壯語後，「斷背」一詞從此變得人云亦云街知巷聞，去書局打書釘會見到有本新書叫《新斷背山》，在飲 冰室會見到餐牌上有「斷背特飲」，睇世界盃又醒起英格蘭的艾殊利高爾同瑞典的龍格堡都曾牽涉入「斷背疑雲」，就連早排老曹新相識的行山友又叫「斷背山人」 （特此澄清，斷背山人並非同志，得名純粹因此公背脊曾經出事，痛到好似出現九鐵式裂紋也）。
雖則斷背風好似當年沙士一樣有在社區蔓延舻象，但對於我小曹這類直過直立式牙膏的男子漢而言，斷背究竟搞邊科，可以話難明過霍金的黑洞理論。我小曹本 住一份只扮高深、不求傳真的求知者精神，特登叫一位斷背界友好阿積介紹一些斷背蒲點，好讓我小曹大開眼戒。阿積身形絕對同阿諾舒華生力啤（236）有得 揮，六舊腹肌再加上兩大餅結實胸肌，見佢全身肌肉發達過發水麵包，可想而知佢在健身室留低不少腳毛。阿積就話，佢同一班同道中人至鐘意去銅鑼灣、尖沙咀同 旺角的加利福尼亞健身室（California Fitness），貪其就腳又近地鐵（066）站，於是久而久之就成為聚腳點。
至於中環一間何解未被入侵，阿積只能講句木宰羊，但估計可能同中環分店不設桑拿同蒸氣浴室有關，事關呢類設施可令兩三個男人一絲不掛共處一室，既方便 搭訕，又可順便睇辦，甚至華山論劍一番。佢仲話周不時見到有中年阿叔全日在浴室磨爛蓆，十足十經常亮相《今日財經》、日日到股票行當返朝九晚五的蟹民；佢 地乾蒸完就濕蒸，濕蒸完又乾蒸，蒸蒸復蒸蒸，寡母婆守仔般等候獵物現身。阿積更提醒我小曹，做完gym沖涼時記住記住記住洗手洗手洗手外，仲要留意浴簾有 冇畀人刻意拮穿D窿仔，免得一個不小心被人秘密監察，總之要好似鏱提款機一樣咁小心至好。話說加利福尼亞有見及此，近排將糖衣咁薄的浴簾全部換上臉皮咁厚 的布料，總算襟拮D，雖則仍有斷背友死心不息誓不罷休，但情況總算冇咁離譜。
聽到呢度，我小曹就忽然背脊涼一截，好似有隻吊靴鬼向住我條後頸吹口哨，事關平日亦有幫襯加利福尼亞，既然一間gym有百樣人，究竟點樣學佘當奴界定 親疏有別？阿積就話其實好難分，有時就算外形騡騡地條頸冇喉核，亦未必一定好此道，但斷背友通常有不少共通點。由於健身室除是強壯機能補氣血的好地方外， 亦是佢地騷岳乎兼交朋結友的好去處，因此斷背友絕不會打扮得求求其其鼻毛都露埋出鈬，而展現一身玲瓏浮凸曲線美的貼身小背心是為必不可少的dress code。阿積同時話，斷背友另一特徵是練到胸肌特別發達，拍得住由表演心口碎大石到飲滾油以至記車牌的吳剛師傅（以至其接班人羅莽），事關如此才可引起 同道中人做人形掃瞄機。
公民梁長駐同志新蒲點
我小曹亦聽聞過中環花旗銀行廣場裏頭的Seasons Fitness亦是不少斷背賓架同籮友的新蒲點；阿積就話略有所聞，有朋友更讚到裏頭設備天上有地下無，但佢本人就未曾到此一遊。此時此刻，我小曹同阿積 就發揮尋找他鄉的故事之大無畏精神，一於親身去Seasons做人類學田野調查。帶我地行到邊睇到邊的服務員話，Seasons九十八巴仙客仔都是花旗銀 行廣場同附近幾幢大廈返工的中環英雄，佢地通常會趁放工或午飯時間到此幫襯出身汗，所以每逢禮拜六日就會靜英英拍烏蠅。
Seasons分三層，雖則每層面積不算大，但器械就不似加利福尼亞或者舒適堡排得密過蜜蜂竇，加上地方開揚過光猛大梗房，兼有香港公園做布景板陪 跑。若單身大長今不想同大隻佬一齊好似成吉思汗同忽必烈騎膊馬咁大汗疊細汗，可選擇在女士專區玩健身，亦可順便嘆時芭，但就要另外收費；不過，成間健身室 最特別是樓下長二十米的游泳池，一條快線一條慢線，但唔准切線，水溫長年保持在攝氏二十七、八度，有時仲會搞水上瑜伽班，據講為公為民的大狀梁正是此泳池 常客也。
兜勻成個圈，我小曹同阿積都畀不少中外男士掃瞄過。當我地離開Seasons等電梯時，有位身形健碩兼一身古銅色的私人教練笑淫淫走出來一齊等鯩，阿 積即時拋媚眼同佢來一個神交，我小曹就當堂打鰦個西伯利亞級冷震，但總算令我搞清楚，我小曹除愛國愛港愛睡房，亦都只愛女方。
沒有留言:
發佈留言