美元衰多幾錢重

　　9月21日，周五。恒生指數再創新高，升142.65，收25843.78點；成交高達1320多億元，雖然日經平均指數跌101.18，收16312 點，滬深三百指數跌26.82，收5468點。大摩亞洲區主席羅奇講到美國經濟，認為未來九至十二個月出現衰退機會約40-45％，而美國房地產價格可能 會疲弱好幾年，明年係美國戰後首次出現全國地產價格下跌頭一年，因次按危機令美國人把房屋再融資能力大減。對中國而言，出口業可能因美國消費減少而受影 響，其他行業所受影響唔大。　　國泰航空（293）升11％，見22.7元後停牌，市傳國泰佔17.5％國航（753）可能同東方航空（670）合併。國 航母公司持有東方航空11％，估計將東方航空同國航佔50％上海航空（內地上市）合併；今天東方航空升12.3％，見9.72元。

　　港交所（388）再升12％，見219.2元。新上牌恒鼎實業（1393）較招股價升77.4％，見12.12元，公司集資41億元，每股售價 6.83元。利豐（494）成為少數下跌恒指成分股，跌2.5％，見32.9元；裕元（551）跌0.8％，見23.15元，皆因擔心美國經濟明年可能出 現衰退。紫金（2899）升10.8％，見12.7元，因金價已升穿730美元，一度見738.6美元。

金價向聯儲局發警告

　　美元繼跌穿1.4美元兌1歐羅後，亦跌穿1美元兌1加元，係1976年以來首次加元高於美元，1美元只能兌0.9998加元！除美元減息外，資源價格 再次被睇好，亦係刺激加元上升理由。過去沙地阿拉伯貨幣同美元掛，近期連沙地亦考慮同美元脫。上述疑慮令美元價衰多幾錢重。

　　美元價回落，令全球金礦股上升。黃金向聯儲局發出警告──如果再減息，金價就飛升！

　　過去美元弱勢對香港經濟有利，呢次亦唔例外。美元自2002年1月轉弱，恒生指數自2003年4月起大幅上升，美元一再創新低下，恒生指數一再創新高。來自美國同歐洲資金不斷到亞洲地區搵出路。

　　日本銀行「短觀」報告10月1日公布，估計9月份製造業信心由6月23點跌落21點，理由係日圓兌美元上升6％，睇有條件進一步上升；反之，10月11日日圓加息機會大減，估計維持半厘，日本吸引力唔大，令更多資金投放亞洲其他國家。

內地出現負利率時代

　　美元弱勢將加速人民幣升值，估計人民幣可見將來會升值10％。9月18日美元減息半厘，唔少人期望香港重新進入負利率時代！1990年代負利率日子有 唔少人嚮往（之後代價係1997年8月至2003年4月六年通縮）。今天負利率時代中國出現，中國人正在享受呢段透支繁榮期。香港能否再次進入類似 1990年代式負利率時代？我老曹只知時光逝去不復還，正是青春無價，唔少人期望第二春，即使真係出現，都只係「此時此處此模樣」。1990年代快樂，除 負利率外，更夾雜無知才能賭得咁盡。情況有如第一次戀愛才可以愛得要生要死，如果有機會第二次戀愛，由於已理智好多，再不能全情投入。因此，負利率所帶來 透支繁榮可一不可再，如要享受，請投資內地而非香港。香港經濟早已過青春少艾期，踏入中年期（人到中年萬事擔憂，所以香港快樂指數咁低）。今天港人有幾多 仍將大部分資金存入紅簿仔？今時今日，連阿嬸都曉理財啦（例如買澳洲紙啦、加元啦、黃金啦、股票啦、人民幣啦）。1990至97年香港負利率時代家內地上 演，香港即使重演亦缺乏觀眾。今時今日仲有幾多港人夠膽三層樓（一間自住、一間收租、一間用炒）？呢批人早1997至2003年輸到怕，正是一朝被蛇咬， 一世怕草繩。小心the danger of feeling good！

　　美元已跌至同加元同價（記得1970年代加元較美元更值錢）。美國十年期債券價格開始回落，令利率升上4.67厘，三十年期債息為4.94厘。一如估 計，美元短期回落，長期上升，債券持有者開始擔心通脹率上升，尤其係油價同金價齊齊創新高；今天連貝南奇亦承認美國房產仍在回落，次按危機仲未過去。令人 擔心係美國將進入資產價格萎縮期。消費物價上升時代，雖然貝南奇努力營造黃金歲月，但形勢往往比人強。1987至2005年格蛇可利用減息去應付危機，唔 代表貝南奇亦可以，因為已時移世易也！如果政府真係可以控制經濟，今日世界早已係計劃經濟佔上風時代，而非自由經濟（或國內叫市場經濟）。政府有形之手不 能長期對抗無形之手，因此只可積極不干預（如非必要請勿干預），而非指點江山。連毛澤東都唔得，何況貝南奇？

沙地唔再支持石油增產

　　據聯儲局數據，美國商業票據市場出現第六個星期萎縮，9月19日只有1.869萬億美元，較一周前減少481億美元。雖然政府不斷注資，但信貸市場受 次按危機威脅仍在萎縮中，即尋求信貸倍感困難。有資產做擔保貸款亦減少156億美元，至9200億美元，係去年7月以來最低。減息之後，本周能否令商業票 據發行較為容易，以及有資產擔保貸款較易獲得？大家坐定定等啦。

　　美元減息另一後遺症係嚇怕沙地阿拉伯。根據英國《每日電訊報》報道，沙地已唔再支持石油增產矣，因為擔心未來美元價下跌。

　　仲有食物價格，美國農業部亦快控制唔住。全球小麥存量跌至三十年內最低，俄羅斯為對抗國內通縮，已下令減少小麥等農產品出口，如美國無能力增加供應，將出現全球性糧食價格上升潮！今年9月小麥價格已升至三十四年內最高！

　　我地正面對油價、金價及糧食價格進一步上升，短期Feeling good可維持幾耐？全球經濟正步入滯脹期，美國如要外國人借錢去支付美國人入不敷支，必須畀高息；唔肯畀高息，1970年代式美元大貶值時代重臨，最終令美元債券市場崩潰，引發更大危機。

　　參考1966至82年美國經濟，1966至72年仲係Feeling good時段，1973至82年才淒慘；2000至07年係咪Feeling good時段？我老曹木宰羊，不過係時候暫時計計數離開賭，到外面吸口新鮮空氣，冷靜一頭腦。除特別有心水股份外，適量減持應係合理策略。呢次減息半厘會 否將黃金呢隻「牛」重新放生？美指數由2002年1月至今不斷回落，令金價自2002年起不斷上升，去年一度因升幅太大而進入整固，完成後又再上升，並今 年9月創新高，繼續一浪高於一浪！上述訊號已漸漸清晰。

趁美元下跌搵賺錢機會

　　未來通脹率唔會同1970年代近似（雙位數上升），因為工資成本隨中國、東歐、前蘇聯及印度等加入自由經濟體系而受到抑壓，由原材料價格上升推動通脹 對CPI影響終歸有限，即負利率環境只會中國、印度、東歐等國家出現，OECD國家唔易再次進入負利率時代（日本係最典型例子）。1966年1月18日道 指見1000點後，至1982年1000點之間穿梭；2000年1月14日道指見11750點後，之後12000點之間上上落落，至今最高亦只見 14000點；反之，2000年1月至今金價上升接近200％，油價上升接近700％，由玉米到牛肉、由大豆到黃金、由小麥到雞肉都上升。美元下跌中不乏 賺大錢機會，過去三十天金價升幅已超過10％！

　　我老曹唔係恐慌販賣者（panic monger），例如8月17日恒生指數跌穿250天移動平均線見19300點時叫大家入市，因為250天移動平均數從來唔係牛熊分界線。但我老曹亦非盲 目樂觀者，經過1973-74年大熊市、1987年股災、1997年八萬五房屋政策、2000年科網股泡沫後，面對美國次按危機，一定知道唔係世界末日， 但亦唔可能可見將來解決此問題。展望未來，美國樓價回落10％可能性好大（即使聯邦基金利率再減0.25厘），因為長期利率在上升中，類似2001至03 年6月美元利率由6.5厘減至1厘可能性接近零，呢次利率由5.25厘下調，最大可能性回落到4.5厘，極限4.25厘。

　　中國上一次加汽油零售價係去年6月，至今為止原油價上升15％。中國仍拒絕提升汽油零售價，上述價格凍結對從事汽油零售股不利；凍結電價但煤價卻上升，形勢亦漸對電力股不利，雖然過去一年電力廠效率提升4％；換言之，未來尋找純利高增長股愈來愈困難。

　　隨社會進步，女性社會上角色意識日漸增強，婚姻及家庭角色意識則不斷淡化。愈來愈多女性走上經濟獨立、生活自主之路而成為單身貴族，佢地係廣告界、出 版界、娛樂界及媒體針對對象，因為女性單身貴族不但收入不菲，而且較其他階層更多錢花，無論衣食住行方面都有花錢衝動同激情。單身女子已成為社會上曉賺錢 及曉花錢一族，亦因此成為近年理財產品客戶！