9月28日，周五。恒生指數升77.32，收27142.47；成交1485.75億元。10月期指跌52點，收27182點。2007年第三季係 2003年4月恒指上升以來表現最出色嘅一季，升幅25％，媲美2003年第二季（當時升幅25％，香港經濟正由沙士中恢復過來）。隨着今年第四季中央落 實資金個人自由行，相信年底恒指見30000點絕唔出奇。摩通估計未來十二個月來自內地嘅資金達1000億美元，里昂估計未來六個月來自內地資金450億 美元。
六成港股由外資持有
港股投資者組合中，本地機構及本地投資者擁有上市股份約三分一，美資、英資、歐資各佔20％左右，中國內地投資者約佔5％。換言之，本港上市股份約有 60％由外國資金揸咗，係香港股市嘅資金主要來源。隨着QDII落實，來自內地嘅機構投資者及日後個人投資者嘅資金比重將上升，大量資金湧入，令港股獲重 新估值，係8月20日至今恒生指數上升8000點嘅理由。港股成交量迅速上升，中國概念股嘅O漸漸脫離恒生指數嘅O，而漸同A股嘅四十四倍O拉近，北水南 調嘅結果刺激在港上市嘅國企、紅籌股上升。目前國企同紅籌股市值已佔港股總市值20萬億元嘅50％以上（8月底佔50.91％），成交金額佔每日成交額 60％以上。上述改變，令港股過去受歐美股市影響嘅程度下降，改為漸漸受內地A股升降影響。目前在香港主板上市國企一百家、創業板四十三家、由中資控制嘅 紅籌股八十五家。第一隻H股1994年上市。1997年恒生銀行推出國企指數，基點1000點；2000年1月3日重新推出，基點改為2000點，過去八 年升幅接近八倍，大大大大大於恒生指數同期升幅。H股及紅籌股大升後，部分外資獲利回吐，因為相較外國股份，在本港上市嘅國企同紅籌股O已偏高。目前外資 佔本港上市公司總市值60％嘅情況將逐步下降至50％，內地機構投資者及個人投資者所佔比重漸由目前5％上升到20％，本港機構投資者及個人投資者所佔比 重則仍係30％。
中國人結婚前必買一套住房嘅觀念，形成內地房地產需求十分大。香港房地產亦曾由1970年代開始一直興旺到1997年，相同情況目前在內地重演，令 內地房地產股利潤率一再提高，股價因而受益，今年公布業績有極之理想嘅升幅。香港房地產1997年已趨飽和，只有豪宅例外。華潤置地（1109）、中國海 外（688）、首創置業（2868）等1997年前早已回歸內地發展房地產，成績相當理想。本港大型地產公司如恒隆（101）、九倉（004）、新世界 （017）、長實（001）、新地（016）、信置（083）等亦返內地拓展房地產。
有土斯有財在內地重演
另一方面，內地房地產股如碧桂園（2007）、雅居樂地產（3383）等來港上市集資及發展內地房地產，上述公司在中國大中城市如北京、上海、深圳、廣州 等快速拓展業務，令當地地價迅速上升，依家迅速向二三線城市拓展業務，例如天津、成都、重慶、武漢等城市。「有土斯有財」嘅神話在內地重演一次！香港投資 者對零售股興趣唔大，例如東風集團（489）、中國食品（506）、騰訊控股（700）、聯華超市（980）、青島啤洒（168）、王朝酒業（828）、 雨潤食品（1068）、蒙牛（2319）等評價不高，因為响本港，零售業係毛利率十分低嘅行業。不過，香港投資者對資源股興趣卻十分大，例如中石油 （857）、中國鋁業（2600）、江西銅業（358）、湖南有色（2626）、紫金礦業（2899）、中國神華（1088）、中煤能源（1898）等估 值皆很高，因過去本港並冇資源股，來自內地嘅資源股正好填補上述空缺。隨着內地資金大量流港，未來港股會出現乜嘢全新面貌？仍有待日後觀察。恒生指數平均 O已達二十一倍，即漸漸接近偏高（二十二倍或以上）水平，但相較滬深三百指數平均O四十四倍，仍有一定吸引力，但應該小心D投資矣。
遠洋地產（3377）首日掛牌升43％，收市11元，招股價7.7元。中海油田服務A股在上海首日掛牌，股價升二倍，收39.9元，發行價13.48元； H股（2883）升6.3％，收17.9元。滬深A股升143點，收5552點。滬深A股6月底至今嘅一季內升48％，係2005年4月以來最大升幅嘅季 度；該指數過去一年上升三倍。8月份來港遊客上升17％，達二百七十六萬人次，來自中國嘅遊客數量上升24％。1至8月份來港遊客數目達一千八百二十萬人 次，較去年同期升9％；香港酒店入住率1至8月為84.2％（去年同期85.7％）；房租平均上升12％，至1046元一晚，估計明年房租再升10％。今 年底香港有房間五萬二千間，較去年上升10.6％。大摩繼續推介中移動（941），目標價145元。花旗則推介勝獅貨櫃（716），主要炒落後概念；亦推 介大成生化（809），目標價4.03元。高盛推介鞍鋼（347），因為70％鐵礦石係自給，為鐵礦石價格上升中嘅最大受惠者，同時亦睇好煤炭及水泥業， 並推介中國神華、浙江玻璃（739）、中國鋁業等資源有關股份。
美新屋供應增美股受考驗
美國商業部公布，8月份資本財訂單較去年同期減少4.4％，代表美國經濟繼續轉弱。每次美國新屋供應量相等於新屋銷售60％以上，美股短期內便大跌。 2001年1月至2002年11月利率由6.5厘降至1.25厘，美股才止跌回升，今年9月份又出現類似情況，美股會否响10月見頂？
次按危機後，寬鬆的信貸漸漸消失，但市場仍充滿資金。資金一如其他商品，離唔開供求因素，以美元計（流通貨幣唔計L及M），1950年至今供應量共升 三十倍，理論上大部分商品價格應上升三十倍（有D商品升幅超過一百倍，例如物業；有D原地踏步，例如電子產品；有D升幅很細，例如電器產品。如以金價計， 只升二十九倍）。換言之，戰後百萬富翁相等於今天3000萬元或以上，因1970年至今美元失去96％購買力！
1979年雪茄伏出任聯儲局主席，當年美國國債8450億美元，雪茄伏誓要控制通脹，而將利率提升到22厘，最終通脹呢頭怪獸被馴伏。今天聯儲局主席 係貝南奇，佢嘅目標係維持黃金歲月，因美國國債已係天文數字，近日利率不升反跌。今天美國冇類似1979年伊朗人質事件，但伊拉克問題未解決，伊朗仍是敵 對國，仲有北韓、阿富汗、尼日利亞、委內瑞拉……。1980年油價見45美元一桶，今天油價見84美元一桶（如扣除通脹，1980年45美元相當於今天 102美元）。近期愈來愈多大人物預測明年美國經濟將出現衰退，我老曹對貝南奇仍有信心，黃金歲月仍可維持，主因係美國經濟已同1970年代不同，構成 CPI嘅成分70％係薪金，睇來睇去呢方面嘅升幅都唔大，即CPI唔構成威脅（香港亦接近，只有中國、印度與新興國家CPI才會大升）。
中俄紛紛增加黃金儲備
今天兩大美元揸家係日本（1.1萬億美元）同中國（9000多億美元），成為近五年半以來美元弱勢下嘅最大受害者。中國已逐漸轉移部分儲備到歐羅；日 本同美國有特殊關係，唔會咁做。2005年11月俄羅斯宣布所持黃金佔外滙儲備比重將由5％上升到10％，中國最近亦公布將2.4％美元儲備轉為黃金，金 價後市應反覆向上。
美國宣布在財政上進一步制裁緬甸軍政府，唔准美資投資緬甸，並阻止環球銀行系統同緬甸保持聯繫，而且緬甸軍政府在美國嘅資產將被凍結。緬甸最大出口係 天然氣，去年約21.6億美元，佔總出口40％。1997年克仔已宣布停止對緬甸一切新投資，依家布仔進一步收緊金融政策。緬甸軍政府1962 年上台，任內將緬甸由一個亞洲區最富裕嘅國家變成其中一個最貧窮嘅國家。緬甸資源十分豐富，鄰國係中國、老撾及泰國。仰光人口五百萬，擁有天然海港，過去 唔少華僑居住，係一個佛教國家，但四十五年來由於軍政府貪污腐敗，搞到民不聊生。軍政府為阻止示威，經常採用暴力，例如1988年嗰次有三千人被殺。過去 外國政府嘅財政制裁，只令緬甸人生活更加貧窮，恐怕呢次亦唔例外。
宜避開內地汽車工業股
內地A股過去三個月上升40％，8月20日自從中央宣布內地資金可以個人自由行後，本港唔少國企、紅籌股升幅接近100％，中國因素完全支配住過去六 星期港股方向，相信國慶之後亦一樣。財富的獲得在乎擁有正確嘅股份，財富的失去亦因揸錯股份。近期宜避開內地汽車工業股，中國已成為全球第四大汽車市場， 並以年率12％速度上升。超過一億個中產階級家庭將湧現，但中國汽車企業太多，市場太分散，仍未集中，至今仍有超過一百間汽車製造廠，必須整合為十間八 間，即大量汽車廠須被淘汰出局。換言之，中國汽車製造業進入競爭激烈期，情況有如十年前嘅電冰箱、空調、彩電企業一樣，進入薄利多銷期。目前汽車廠必須有 50％股權由內地企業（主要係國企）擁有，形成國際競爭力唔夠，出口能力唔強，除咗吉利汽車（175）外，其他汽車廠未有能力進軍國際市場，例如最近在德 國同俄羅斯嘅安全測試便唔合格。
中國高技術產業嘅規模同產品出口總額已居世界第二位，去年佔中國GDP8％，並以年率27％速度增長；去年達4.2 億元人民幣，佔中國外貿出口29％，係2002年嘅三倍多。另一方面，中國高技術產業過去一味追求擴大產業規模，與國際合作為主，停留在加工產業水平。 「十一．五」規劃希望中國高技術產品唔只做大，亦要做強，轉向「自主創新，產業集聚」，由加工裝配轉向自主研發製造延伸，並選擇電子信息產業、生物產業、 新材料產業、航空航天產業、高技術服務業、新能源產業、海洋產業、高新技術改造提升傳統產業等八個方案，作為未來一段時期產業嘅發展重點。其中又以集成電 路和軟件產業、新一代移動通信、下一代互聯網工程、數字音視頻產業、先進計算專項工程、生物醫藥、民用飛機產業、衛星產業、新材料產業九大工程作為帶動性 關鍵共性技術，培育一批有自主知識產權嘅高技術產業群，大幅提升產業核心競爭力。以電視產業為例，將由傳統嘅模擬電視升級為數碼電視，依家全國人大正審議 修訂有關法律，協助中國高技術產業由過去嘅代加工產業轉化為自主研發、擁有知識產權嘅高科技企業。今年第四季將有唔少高技術股成為下一輪炒賣對象。
沒有留言:
發佈留言