東邊下雨西邊晴

4月12日，周三。恒生指數跌165.05，收16310.76；成交三百四十億五千一 百多萬元。4月期指仍高水60點，跌149點，收16370點。中移動（941）跌3.6％；國壽（2628）跌4.4％；平安保險（2318）跌 5.1％；中國財險（2328）跌2.5％；裕元（551）亦跌2.5％。反之，地鐵（066）升6.1％；玖龍紙業（2689）升4.4％，見五元八 角。證明大市仍然個別發展，毋須大驚小怪。

油價升跌俱可買股

　　今時今日上市公司數目眾多，來自不同行業，股市發展早已是東邊下雨西邊晴，百步之內豈無芳草。假設油價上升可買能源股，油價回軟又可買航空股；銅價上 升可買江西銅業（358），銅價回落則可買德昌電機（179）；航運費上升可買中海集運（2866）、中國遠洋（1919），如航運費睇跌，又可睇好需要 支付大量運費鮋工業股。換言之，今時今日無論發生乜№事，都有個別公司受惠及個別公司受害，投資成敗睇你識唔識得揀及有冇選錯行業。

　　如果你知道幾時投資大幅波動的原材料，你肯定可以發達！但事實並非如此。根據耶魯大學及賓州大學研究所得，謹慎投資者四十五年回報只係跑贏大市 20％。換言之，跑贏大市鮋投資者少之又少。以其每六年可令本金翻一番，在現今變幻莫測鮋投資市場，成績已算不俗（在大市只有波幅冇升幅鮋環境下， 1997年8月至今以恒指計，亦只係有波幅冇升幅）。成功投資策略其實好簡單：Limit your risk, multiply your gains！（止蝕唔止賺！）重複又重複，持之以恒，成功便在望，並冇乜№秘密可言。

解決石油危機繫於美人消費習慣

　　石油危機鮋出現，係美國只擁有全球3％石油蘊藏量，卻每年消費全球25％石油產量。今年殊仔才宣布計劃至2025年減少從中東入口石油75％（其實 1973年早該如此！），只要美國人放棄耗油量大鮋SUV，改用慳油鮋日本車，美國石油耗用量已可減少五分一。美國冬季室外溫度攝氏零下二十五度，但全屋 溫度卻保持攝氏二十五度；其次，為阻止路面結冰，唔少超級公路路面上裝發熱線！只要停止上述兩項行為，又可令美國用油量再減五分一；加上以玉米生產乙醇代 替部分汽油……。換言之，美國人完全可以將耗油量減少50％而唔影響日常生活，全球石油立即過剩；反之，中國人口係美國四倍，用油量只佔全球6％，如美國 人肯少用50％油，即使中國人多用100％油，全球石油仍是過剩！石油危機完全係美國人奢侈浪費造成（例如獱3000cc鮋SUV而唔獱1300cc鮋慳 油車）。其中一個理由係美國汽油稅太低，香港汽油零售價係美國200％，即使歐洲亦係美國鮋100％，所以港人唔會全屋裝暖氣（除非極富有），只用電暖爐 令局部地方溫暖已足夠，大部分人更乘搭公共交通工具。

　　換言之，全球石油危機能否解決？主要睇美國人會否改變消費習慣（一旦經濟衰退，就乜№習慣都可以改變，八十年代列根總統已證明呢點）。九十年代廉價石 油（最低曾見十美元一桶），亦係引發二十一世紀油價見七十美元一桶鮋理由。世界盛衰循環周而復始，低油價引發濫用，高油價引來節省，只係一切都需要時間慢 慢去演繹，急不來；當然，仲有加拿大油沙的開發，令加國成為全球石油蘊藏量最豐富鮋國家（甚至超過沙地阿拉伯），呢個亦係紐元、澳元回落而加元仍然咁強之 底因。

　　英國3月份失業率達3％，係2003年10月以來最高，證明樓市一旦呆滯，失業率便漸漸上升。2月底英倫銀行估計，今年GDP增長率2.7％（去年 1.8％），但英國樓市自去年第二季見頂回落，在倫敦地鐵炸彈事件後至今一直好唔番。英鎊已在去年8月減息至四厘半，令英鎊礇價過去八個月回落5％，英國 樓市在利率見四厘七五後便呆滯不前。美國利率亦剛升至上述水平，因此美國樓市踏入今年第二季亦幾呆呆滯滯。

　　歐盟降低今年經濟展望，並認為高油價、高利率壓力下，今年首季同第二季增長率只有0.6％，第三季更降至0.5％。上述睇法令歐羅唔敢再加息（目前為二厘半），亦係近日美元礇價展望唔明朗另一理由。今年第二季可變因素太多，投資策略都係保守D好。

小心中國經濟出現鐘形走勢

　　中國首季進出口總值三千七百一十三億美元，較去年同期升25.8％；出口升26.6％，達一千九百七十三億美元；入口升24.8％，達一千七百四十億 元；順差達二百三十三億美元，升41.4％。3月份外貿盈餘一百一十二億美元亦令人不安。如中國政府讓人民幣升值，中國將走上上世紀九十年代日本老路；反 之，唔畀人民幣升值，中國則走上1997年8月後香港鮋老路；只要在過程中一不小心，Boom & Bust命運在中國重演機會甚大。中國鮋低工資優勢亦在逐漸消失中，由2000年起計，中國經濟亦進入七隻肥牛年，2006年應該是小心謹慎年。小心「鐘 形走勢」出現！何謂鐘形走勢？就係中國企業開始擔心未來出口競爭力下降開始減少投資，令進口生產設施下降，反而眼前出口仍然大幅上升，結果形成短期貿易順 差大增。隨覑出口增長率漸降、入口增長率回升，最後令貿易順差收窄，呢種「鐘形走勢」對經濟所產生鮋影響，就係形成Boom & Bust。

　　中國人多而資源少，人均耕地係世界水平鮋40％，係美國鮋12％；人均水資源係世界平均水平四分一；人均森林係世界水平五分一；人均石油、天然氣儲存 量是世界水平11％。1978年改革開放政策下，中國大量開採礦產資源，每萬元GDP所消耗鮋水係國際水平五倍，所消耗能源是國際水平三倍，踏入2000 年進入資源供應不足期，便向海外購買，成為近五年來資源同能源價上升鮋推動力。以2003年為例，中國鐵礦石有47％、銅產品60％、鋁產品48％都係靠 入口原料去生產；原油34％、木材40％消耗量亦來自入口。今天資源價、能源價已大幅上升，中國政府亦明白過去為求GDP高速增長而濫用資源鮋做法唔掂， 開始節約政策。但有關資源節約的產業規劃欠缺周詳考慮，地方政府為鰦政績及保持當地GDP高增長，並冇嚴格執行中央指令，甚至陽奉陰違。另一理由係產業布 局分散，亦造成資源浪費，中國經濟仍停留在各省各市各自為政鮋階段，並未集中處理去產生規模經濟效益，亦係造成資源浪費鮋理由。中國改革開放二十八年，但 仍停留在產品技術水平低、知識含量少，在國際市場上仍以價格競爭而非依靠品質優勢。外國企業把大量勞動密集型產業向中國轉移，形成中國出口產品停留在資源 密集型產品上，亦加重中國資源消耗。政府在執行資源節約上並唔重視，在環保上得過且過，亦造成今天局面。國家環保總局副局長王玉慶在「國際柴油發展論壇」 上話，中國要調整能源結構，改變能源利用方式，提高使用效率，發展再生能源和清潔能源在能源結構中比重，積極發展核電，擴大電煤在煤炭消耗中比重……。睇 鈬中國已覑手處理問題，至於幾時才見成效則木宰羊。

　　「十一．五」規劃下，中國五年GDP平均增長率7.5％，但同時大搞鐵路建設、城際軌道交通、煤運通道。新鐵路二十二條計一萬七千公里，其中客運專線 八條計七千公里；公路二百三十萬公里，其中高速公路六萬五千公里，呢D都需要大量鋼材、水泥同煤。仲有建設農村水利、道路、沼氣利用、電網、通訊等，未來 資源需求仍然相當大，對特鋼鮋需求更大，形成商品牛市沒完沒了。廉價資源時代早已結束，樂觀估計係高價牛皮，外國投資者（或投機者）就係睇中呢點，所以夠 膽繼續炒高原材料。

　　另一方面，中國GDP增長率由去年鮋9.9％逐步走向2010年鮋7.5％。今年上半年GDP增長估計為9.3％左右，下半年8.7％（全年9％）。 目前中國面對產能過剩、原材料供應不足鮋兩難局面。連續四年高投資所形成鮋生產力正逐步釋放出來，2006、2007及2008年更是集中釋放期，如處理 不好，企業陷入虧損，就業更將面對龐大壓力。另一方面，CPI連續十個月增長率低於2％，今年1月份仍升1.9％，2月份只升0.9％，流動資金陷阱情況 逐漸形成。今年上半年六百種主要消費品中，有71.7％供過於求；三百種主要生產原料中，23％供過於求。2月份K同L增速分別為12.4％和 18.8％，能夠進一步提高鮋機會已唔大，如消費業唔迅速增長，中國未來甚至有機會出現通縮！政府正改革資源性產品價格（如水、電、石油、天然氣、煤炭及 土地），去扭轉長期偏低鮋現象及提高工資水平，希望將CPI增長率推高至2％或以上（例如3％），而唔容許其長期低於1％。其次，逐步降低出口退稅率，考 慮每年降低2％，逐步降低直至6％水平，去減少中國產品出口增長率；同時把出口退稅補貼用於農村建設。

　　中部崛起已講鰦好幾年，結果又點？從GDP總量上衡量，中部與東部差距已拉大到六倍，中部不但冇崛起，反而在塌陷中。理由係中部地區產業排名仍是 「一、二、三」，即農業仍為主導，未能及時加快工業化發展，工業化水平較全國平均數低五點二個百分點；第三產業仍係傳統業務，例如小商店及飲食業。上述產 業結構係令中部難以崛起鮋理由。2003年中部六省份，國有經濟仍佔GDP 54.9％，較全國平均水平高十四點四個百分點，企業規模細實力弱，令中部在改革開放中相對滯後。中部地區投入不足、規模偏小，在市場經濟下競爭力處於劣 勢，高附加值產品偏少；加上國企佔比重大，缺乏市場觀念，資訊落後，盲目投資較大，都係中部省份現存弱點。以冶金行業為例，小型材生產力已過剩，但冷軋薄 板、冷軋矽鋼片和不銹鋼不足，須從外國或其他省份進口，因此賺唔到蚊年。再以石化行業為例，因投資不足，只能生產低檔次產品，面對生產力過剩，高檔次產品 反而依賴入口，機械業亦以生產低檔次產品為主，大型成套裝備和關鍵產品一樣靠進口……。中部省份工業產品仍停留在低檔次，加上資金不足（上市公司少之又 少），對外開放相對滯後，吸引區外資金方面遠遠落後全國平均水平。例如河南對外貿依存度只有6.2％（真正係自給自足也）；最高係山西，對外貿依存度亦只 有14.6％，因此雖有中央政策支持，中部崛起談何容易。

女性體態美與經濟絕對有關

　　過去十年中國女性胸圍呎碼增長鰦一厘米；身高增加鰦半厘米。華北地區女性平均身高一百六十二點八二厘米（五呎四吋半），胸圍八十三點五四厘米（二十八 吋）；華南地區女性平均身高一百五十八點八六厘米（五呎三吋），胸圍八十二點二一厘米（二十七點五吋），相信同近年營養均衡有關。內地胸圍由過去最暢銷鮋 A Cup型，向B、C級擴展。專家估計，胸圍業未來五年將高速成長，年率達20％，到2010年將成為五千億銷售額市場；咁黛麗斯（333）可否睇好？女性 身材最明顯改善係改革開放後才出生鮋女性（即年齡介乎十八歲至二十八歲），已經由上一代H型逐漸趨向S型；反之，四十五歲至五十五歲（改革開放前已成長鮋 女性）身材無多大改善，唔少仍係H型，證明女性體態美同經濟情況絕對有關。隨覑改革開放，新一代中國女性愈來愈健與美。

　　樂聲電子（213）、中國宏達（8117）停牌。

　　澳門實德（487）停牌，公布配售新股。

　　■保昌控股（562）、力寶（226）、力寶華潤（156）4月21日；亞洲電信媒體（376）、航科通信（1185）、中國航空技術（232）、中 國高速（149）、海升果汁（359）、亨亞（428）、堅寶國際（675）、力豐（387）、洛陽玻璃（1108）、美亞控股（1116）、閩信集團 （222）、三丸控股（2358）、元昇國際（925）、必美宜（379）、上海電氣（2727）、華寶大中華（810）25日；AEON信貸 （900）、藍頓國際（245）、中意控股（1198）26日；廣東科龍（921）、東方工業（353）27日；宏利金融（945）5月4日公布業績。